ديەگو مارادونانى ەمدەگەن دارىگەردىڭ ءۇيى مەن جۇمىس ورنىندا ءتىنتۋ ءجۇردى، دەپ حابارلايدى «ادىرنا» ۇلتتىق پورتالى «حابار-24»-كە سىلتەمە جاساپ.
ارگەنتينا سوتىنىڭ شەشىمى بويىنشا، ونىڭ ۇيالى تەلەفوندارى، كومپيۋتەرلەرى، مارادونانىڭ ناۋقاستانۋ تاريحى، سونىمەن بىرگە فۋتبولشىنىڭ سىرقاتىنا قاتىستى بارلىق قۇجات تاركىلەندى. دارىگەردىڭ سالعىرتتىعى اتاقتى سپورتشىنىڭ ولىمىنە اكەلدى دەگەن كۇدىككە ءىلىنىپ وتىر. بىراق ول ايىبىن جوققا شىعارۋدا.
«مەن ەشتەڭەنى جاسىرمايمىن. قولىمنان كەلگەنىن جاسادىم. ءبارى وسىلاي اياقتالعانىنا قاتتى وكىنەمىن، وزەگىم ورتەنەدى. بىراق امال قانشا؟! سىزدەر مىنانى ەسكەرسەڭىزدەر دەيمىن. مەن جالعىز ەمەسپىن، ءبۇتىن ءبىر كوماندا بولىپ جۇمىس ىستەدىك»،-دەدى دارىگەر لەوپولدو لۋكە.
ەستەرىڭىزگە سالا كەتەيىك، مارادونا 25 قاراشادا 60 جاستان اسقان شاعىندا جۇرەك تالماسىنان قايتىس بولعان ەدى.
«ادىرنا» ۇلتتىق پورتالى
