Dıego Maradonany emdegen dárigerdiń úıi men jumys ornynda tintý júrdi, dep habarlaıdy «Adyrna» ulttyq portaly «Habar-24»-ke silteme jasap.
Argentına sotynyń sheshimi boıynsha, onyń uıaly telefondary, kompıýterleri, Maradonanyń naýqastaný tarıhy, sonymen birge fýtbolshynyń syrqatyna qatysty barlyq qujat tárkilendi. Dárigerdiń salǵyrttyǵy ataqty sportshynyń ólimine ákeldi degen kúdikke ilinip otyr. Biraq ol aıybyn joqqa shyǵarýda.
«Men eshteńeni jasyrmaımyn. Qolymnan kelgenin jasadym. Bári osylaı aıaqtalǵanyna qatty ókinemin, ózegim órtenedi. Biraq amal qansha?! Sizder mynany eskerseńizder deımin. Men jalǵyz emespin, bútin bir komanda bolyp jumys istedik»,-dedi dáriger Leopoldo Lýke.
Esterińizge sala keteıik, Maradona 25 qarashada 60 jastan asqan shaǵynda júrek talmasynan qaıtys bolǵan edi.
«Adyrna» ulttyq portaly
