ەلىمىزدىڭ ءۇشىنشى مەگاپوليسى سانالاتىن شىمكەنت قالاسى بۇل كۇندەرى كوپتەگەن جەتىستىكتەرگە جەتىپ وتىر. ماسەلەن، شىمكەنت بيىلعى جىلى تمد مەملەكەتتەرىنىڭ مادەني استاناسى اتاندى. مۇنداي مارتەبەگە يە بولۋ ءۇشىن قالانىڭ ەكونوميكالىق مۇمكىندىگىمەن قاتار مادەني نىساندارى، تازالىعى، ءومىر سۇرۋگە قولايلىلىعى سەكىلدى كريتەريلەر ەسەپكە الىنادى.
بيىل مۇرات ايتەنوۆ قالا كۇنى مەرەكەسىندە: «كۇن شۋاقتى شاھارىمىز – مەيىرىمدى، ەڭبەكقور ءارى تالانتتى ادامدار تۇراتىن قالا. ول – جاڭا عاسىرداعى قازاقستان ونەرى مەن مادەنيەتىنىڭ التىن بەسىگى» – دەپ اتادى. اكىم ايتقانداي، قالا جىل سايىن تۇرلەنىپ كەلەدى. جاڭادان اشىلعان عيماراتتار مەن ساياباقتار، اللەيالار ەل يگىلىگىنە قىزمەت ەتۋدە. ماسەلەن، ادەت-عۇرىپ جانە سالت-ءداستۇر ورتالىعىن الايىق. 2014 جىلى قۇرىلعان مەكەمەدە قازاقتىڭ سالت-داستۇرلەرى مەن ادەت-عۇرىپتارىنا ارنالعان عىلىمي زەرتتەۋلەر مەن ادىستەمەلىك جۇمىستار جۇرگىزىلىپ كەلەدى. مادەني-اعارتۋشىلىق باعىتتا قىزمەت ەتەتىن مۇنداي ورتالىق قازاقستاندا بىرەۋ عانا. ال قالانىڭ قاق ورتاسىندا ورنالاسقان ا.اسقاروۆ اتىنداعى دەندرولوگيالىق ساياباعى جىلدان جىلعا اڭ-قۇستارمەن تولعىپ كەلەدى. قازىر مۇندا 84 قىرعاۋىل، 50 ءتيىن، 23 قويان، 10 تاۋىس، 5 جىبەك جانە بەنتامكا تاۋىعى، 4 تسەساركا، 3 تەڭبىل بۇعى، 4 كەربۇعى جانە 1 ەركەجەيلى قوي بار. سونداي-اق، ساياباقتا اۋماعى 3 گەكتار جەردى الىپ جاتقان جاساندى كولدە بالىقتىڭ بىرنەشە ءتۇرى مەن اققۋ-قازدار جەرسىندىرىلگەن.
قازىر قالا رەسپۋبليكالىق بيۋدجەتتەن ەكونوميكانىڭ دامۋىنا بولىنگەن قارجىنى يگەرۋدە ءتورتىنشى ورىندا كەلەدى. ماسەلەن، بيۋدجەتتەن بولىنگەن 455,4 ملرد تەڭگەنىڭ قاراشا ايىنا دەيىن 339,6 ملرد تەڭگەسىن يگەرۋ كەرەك بولعان. ونىڭ 336,6 ملرد تەڭگەسى، پايىزعا شاققاندا 99,2 پايىزى يگەرىلگەن. بۇل – وسى وسى ءوڭىردىڭ اكىمى مەن ونىڭ كومانداسىنىڭ ناتيجەلى جۇمىسىنىڭ ناقتى كورىنىسى.
شىمكەنت قالاسى بيىلعى جىلدىڭ جارتىجىلدىعىنداعى ەسەپكە سايكەس، 14.7 ملرد تەڭگە اۋىل شارۋاشىلىعى ءونىمىن ءوندىرىپ، رەسپۋبليكادا ءبىرىنشى ورىنعا شىقتى. سونىمەن قاتار بۇل قالاىرى ونەركاسىپتىك ورتالىقتىڭ ءبىرى. مۇندا ماشينا جاساۋ، جەڭىل ونەركاسىپ، مۇناي وڭدەۋ، مەتاللۋرگيا، فارماتسەۆتيكا، قۇرىلىس ماتەريالدارى ءوندىرىسى سەكىلدى 70 استام ءىرى كاسىپورىن، 600-دەن استام شاعىن جانە ورتا كاسىپورىن جۇمىس ىستەپ تۇر.
«ادىرنا» ۇلتتىق پورتالى
