Elimizdiń úshinshi megapolısi sanalatyn Shymkent qalasy bul kúnderi kóptegen jetistikterge jetip otyr. Máselen, Shymkent bıylǵy jyly TMD memleketteriniń mádenı astanasy atandy. Mundaı mártebege ıe bolý úshin qalanyń ekonomıkalyq múmkindigimen qatar mádenı nysandary, tazalyǵy, ómir súrýge qolaılylyǵy sekildi krıterııler esepke alynady.
Bıyl Murat Áıtenov Qala kúni merekesinde: «Kún shýaqty shaharymyz – meıirimdi, eńbekqor ári talantty adamdar turatyn qala. Ol – jańa ǵasyrdaǵy Qazaqstan óneri men mádenıetiniń altyn besigi» – dep atady. Ákim aıtqandaı, qala jyl saıyn túrlenip keledi. Jańadan ashylǵan ǵımarattar men saıabaqtar, alleıalar el ıgiligine qyzmet etýde. Máselen, Ádet-ǵuryp jáne salt-dástúr ortalyǵyn alaıyq. 2014 jyly qurylǵan mekemede qazaqtyń salt-dástúrleri men ádet-ǵuryptaryna arnalǵan ǵylymı zertteýler men ádistemelik jumystar júrgizilip keledi. Mádenı-aǵartýshylyq baǵytta qyzmet etetin mundaı ortalyq Qazaqstanda bireý ǵana. Al qalanyń qaq ortasynda ornalasqan A.Asqarov atyndaǵy dendrologııalyq saıabaǵy jyldan jylǵa ań-qustarmen tolǵyp keledi. Qazir munda 84 qyrǵaýyl, 50 tıin, 23 qoıan, 10 taýys, 5 jibek jáne bentamka taýyǵy, 4 esarka, 3 teńbil buǵy, 4 kerbuǵy jáne 1 erkejeıli qoı bar. Sondaı-aq, saıabaqta aýmaǵy 3 gektar jerdi alyp jatqan jasandy kólde balyqtyń birneshe túri men aqqý-qazdar jersindirilgen.
Qazir qala respýblıkalyq bıýdjetten ekonomıkanyń damýyna bólingen qarjyny ıgerýde tórtinshi orynda keledi. Máselen, bıýdjetten bólingen 455,4 mlrd teńgeniń qarasha aıyna deıin 339,6 mlrd teńgesin ıgerý kerek bolǵan. Onyń 336,6 mlrd teńgesi, paıyzǵa shaqqanda 99,2 paıyzy ıgerilgen. Bul – osy osy óńirdiń ákimi men onyń komandasynyń nátıjeli jumysynyń naqty kórinisi.
Shymkent qalasy bıylǵy jyldyń jartyjyldyǵyndaǵy esepke sáıkes, 14.7 mlrd teńge aýyl sharýashylyǵy ónimin óndirip, respýblıkada birinshi orynǵa shyqty. Sonymen qatar bul qalairi ónerkásiptik ortalyqtyń biri. Munda mashına jasaý, jeńil ónerkásip, munaı óńdeý, metallýrgııa, farmaevtıka, qurylys materıaldary óndirisi sekildi 70 astam iri kásiporyn, 600-den astam shaǵyn jáne orta kásiporyn jumys istep tur.
«Adyrna» ulttyq portaly
