جامبىل وبلىسى ەڭبەكپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ ەكس-باسشىسى تيمۋرجان نۇرىمبەتوۆتىڭ ءىسى بويىنشا سوت وتىرىسى ءوتىپ جاتىر، دەپ حابارلايدى «ادىرنا» ۇلتتىق پورتالى. ول 9 ملن تەڭگە كولەمىندە پارا الدى جانە قىزمەت بابىن اسىرا پايدالاندى دەپ ايىپتالۋدا.
قازىرگى تاڭدا ءىس تاراز قالالىق 2-ءشى سوتىندا قارالۋ ۇستىندە. قىلمىستىق ىستە تەرگەۋ قىلمىستىق كودەكستىڭ 190-بابى، 3-بولىگى، 2-تارماعى «الاياقتىق» جانە 361, 4-ءبولىمى، 3-تارماعى «لاۋازىمدىق وكىلەتتىكتەرىن تەرىس پايدالانۋ» بويىنشا جۇرگىزىلەدى.
ايتا كەتەيىك، تيمۋرجان نۇرىمبەتوۆ – ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ تۋعان اعاسى. بۇعان دەيىن ونىڭ ءۇي قاماۋىنا الىنعانى حابارلانعان ەدى.
«ادىرنا» ۇلتتىق پورتالى
