Jambyl oblysy Eńbekpen qamtý jáne áleýmettik baǵdarlamalardy úılestirý basqarmasynyń eks-basshysy Tımýrjan Nurymbetovtyń isi boıynsha sot otyrysy ótip jatyr, dep habarlaıdy «Adyrna» ulttyq portaly. Ol 9 mln teńge kóleminde para aldy jáne qyzmet babyn asyra paıdalandy dep aıyptalýda.
Qazirgi tańda is Taraz qalalyq 2-shi sotynda qaralý ústinde. Qylmystyq iste tergeý Qylmystyq Kodekstiń 190-baby, 3-bóligi, 2-tarmaǵy «Alaıaqtyq» jáne 361, 4-bólimi, 3-tarmaǵy «Laýazymdyq ókilettikterin teris paıdalaný» boıynsha júrgiziledi.
Aıta keteıik, Tımýrjan Nurymbetov – Eńbek jáne halyqty áleýmettik qorǵaý mınıstri Birjan Nurymbetovtyń týǵan aǵasy. Buǵan deıin onyń úı qamaýyna alynǵany habarlanǵan edi.
«Adyrna» ulttyq portaly
