شىمكەنت قالاسىنىڭ بارلىق اۋدان اۋماعىندا كارانتين تالاپتارىنىڭ ساقتالۋى بويىنشا مونيتورينگ جۇمىستارى جالعاسىن تابۋدا. قوعامدىق تاماقتاندىرۋ، ساۋدا، ت.ب.، ادام كوپ جينالاتىن ورىنداردا كارانتين تالاپتارى ۇدايى نازاردا.
وتكەن دەمالىس كۇندەرى ەڭبەكشى اۋدانى بويىنشا كەزەكتى رەيد ۇيىمداستىرىلدى. ءموبيلدى توپ تۇسكى ۋاقىتتا «التىن مەروس» مەيرامحاناسىندا وتباسىلىق ءىس-شارا ءوتىپ جاتقانىن انىقتادى. رەيد بارىسىندا مەيرامحانادا 200-گە جۋىق كەلۋشى بولعان.
سونىمەن قاتار، ك.تسەتكين كوشەسى №49 ۇيدە تاعى ءبىر زاڭ بۇزۋشىلىق تىركەلدى. بۇل جەكە ۇيدە 60-70 كەلۋشى بار ۇلكەن ءىس-شارا ۇيىمداستىرىلعان.
ءموبيلدى توپ ءبىر تاۋلىكتە 72 كاسىپكەرلىك نىسانىن تەكسەردى. ناتيجەسىندە كارانتيندىك رەجيمىن بۇزعان 2 زاڭ بۇزۋشىلىق انىقتالدى.
ءموبيلدى توپ ازاماتتار مەن مەكەمە يەلەرىنە كارانتيندىك رەجيم جالعاساتىنىن جانە باس سانيتارلىق دارىگەردىڭ قاۋلىسىنىڭ تالاپتارىن ساقتاۋ كەرەكتىگىن ەسكەرتەدى. ءتارتىپ بۇزۋشىلار قولدانىستاعى زاڭناماعا سايكەس جاۋاپقا تارتىلادى.
سونداي-اق، كوروناۆيرۋس ينفەكتسياسىنىڭ تارالۋىن الدىن الۋ ماقساتىندا ءال-فارابي اۋدانىندا ءموبيلدى توپ كارانتين تالاپتاردى ساقتاۋ بويىنشا اقپاراتتىق-تۇسىندىرمە جۇمىستارىن جۇرگىزدى.
شىمكەنت قالاسى اكىمىنىڭ ءباسپاسوز قىزمەتى
