Shymkent qalasynyń barlyq aýdan aýmaǵynda karantın talaptarynyń saqtalýy boıynsha monıtorıng jumystary jalǵasyn tabýda. Qoǵamdyq tamaqtandyrý, saýda, t.b., adam kóp jınalatyn oryndarda karantın talaptary udaıy nazarda.
Ótken demalys kúnderi Eńbekshi aýdany boıynsha kezekti reıd uıymdastyryldy. Mobıldi top túski ýaqytta «Altyn Meros» meıramhanasynda otbasylyq is-shara ótip jatqanyn anyqtady. Reıd barysynda meıramhanada 200-ge jýyq kelýshi bolǵan.
Sonymen qatar, K.etkın kóshesi №49 úıde taǵy bir zań buzýshylyq tirkeldi. Bul jeke úıde 60-70 kelýshi bar úlken is-shara uıymdastyrylǵan.
Mobıldi top bir táýlikte 72 kásipkerlik nysanyn tekserdi. Nátıjesinde karantındik rejımin buzǵan 2 zań buzýshylyq anyqtaldy.
Mobıldi top azamattar men mekeme ıelerine karantındik rejım jalǵasatynyn jáne bas sanıtarlyq dárigerdiń qaýlysynyń talaptaryn saqtaý kerektigin eskertedi. Tártip buzýshylar qoldanystaǵy zańnamaǵa sáıkes jaýapqa tartylady.
Sondaı-aq, koronavırýs ınfekııasynyń taralýyn aldyn alý maqsatynda Ál-Farabı aýdanynda mobıldi top karantın talaptardy saqtaý boıynsha aqparattyq-túsindirme jumystaryn júrgizdi.
Shymkent qalasy ákiminiń baspasóz qyzmeti
