م.س. نارىكباەۆ اتىنداعى KAZGUU مەن ازاماتتىق باستامالاردى قولداۋ ورتالىعى اراسىندا ىنتىماقتاستىق تۋرالى مەموراندۋمعا قول قويىلدى، دەپ حابارلايدى «ادىرنا» ۇلتتىق پورتالى.
مەموراندۋم اياسىندا ۋنيۆەرسيتەتتە HUB الاڭىن قۇرۋ جوسپارلانۋدا. وندا ستۋدەنتتەر ابقو-دان گرانتتىق قارجىلاندىرۋ العان قوعامدىق ۇيىمداردىڭ جوبالىق قىزمەتىنە اتسالىساتىن بولادى. سونداي-اق كازگيۋ ورتالىققا ازاماتتىق قوعام ماسەلەلەرى بويىنشا كونسالتينگتىك قىزمەتتەر كورسەتەدى. «ابقو» كەاق باسقارما ءتورايىمى باتيما مۋكينانىڭايتۋىنشا، كازگيۋ - قازاقستاندىق جوعارى وقۋ ورىندارى اراسىنداعى العاشقى سەرىكتەس.
"جالپى ازاماتتىق باستامالاردى قولداۋ ورتالىعى ءوز جۇمىسىندا جاڭا قادام جاسادى. ەندى ۇكىمەتتىك ۇيىمدارمەن عانا ەمەس، بيزنەس-قاۋىمداستىقپەن، ساراپشىلار قاۋىمداستىعىمەن جانە ءتۇرلى حالىقارالىق قارجى ۇيىمدارىمەن دە بىرىگىپ جۇمىس ىستەيتىن بولامىز. بۇگىن ءبىز العاش رەت اكادەميالىق قاۋىمداستىقپەن، بەدەلدى ۋنيۆەرسيتەتپەن مەموراندۋمعا قول قويدىق" - دەپ اتاپ ءوتتى باتيما قۋانىشقىزى.
بىرلەسكەن گرانتتىق وتىنىمدەردى دايارلاۋ جانە ۇسىنۋ ماقساتىنداعى بۇل سەرىكتەستىگىمىزدىڭ ءتيىمدى تۇستارى كوپ. ەندى ۋنيۆەرسيتەت جاستارى دا زەرتتەۋ پروتسەسىنە جانە جاڭا جوبالاردى جۇزەگە اسىرۋعا اتسالىساتىن بولادى.
"ۋنيۆەرسيتەتىمىزدىڭ باستى ميسسياسى - وتانعا قىزمەت ەتۋ. سوندىقتان الەۋمەتتىك سالالارعا قاتىستى جوبالاردى جۇزەگە اسىرۋدا تاجىريبەمىز مول. كازگيۋ-ءدىڭ عىلىم سالاسىندا جۇرگەن ستۋدەنتتەرى دە زەرتتەۋ پروتسەستەرىنە قاتىسادى. ابقو-عا ازاماتتىق قوعام ماسەلەلەرى بويىنشا اكادەميالىق قوعامداستىقتىڭ ساراپتاماسىن ۇسىناتىن بولامىز. سونداي-اق ءبىزدىڭ ارىپتەستىگىمىز ۇكىمەتتىك ەمەس ۇيىمدار (ۇەۇ) جوبالارى شەڭبەرىندە قۇقىقتىق، الەۋمەتتىك جانە ەكونوميكالىق باعىتتار بويىنشا ءوزارا ءتيىمدى يدەيالاردى ىسكە اسىراتىن پلاتفورماعا اينالادى",- دەدى تالعات نارىكباەۆ.
«ادىرنا» ۇلتتىق پورتالى
