«شىمكەنت 2020 – تمد-نىڭ مادەني استاناسى» جىلى اياسىندا 2020 جىلدىڭ 15-31 قازان ارالىعىندا «دوستاستىقتىڭ وپەرا جۇلدىزدارى» ونلاين-فەستيۆالى ءوتتى.
فەستيۆالگە رەسەي فەدەراتسياسى، وزبەكستان رەسپۋبليكاسى جانە ەلىمىزدەن جالپى 11 وپەرا ورىنداۋشىسى قاتىستى.
فەستيۆال كلاسسيكالىق مۋزىكانىڭ بيىك شىڭى سانالاتىن وپەرا ونەرىن الەۋمەتتىك جەلى تىڭداۋشىلارى اراسىندا ناسيحاتتاۋ، تمد ەلدەرى اراسىندا مادەني ىنتىماقتاستىق اۋقىمىن كەڭەيتۋ جانە قازاقتىڭ ۇلى اقىنى اباي قۇنانبايۇلىنىڭ 175 جىلدىق مەرەيتويىنا وراي اندەرىن كەڭىنەن تاراتۋ ماقساتىندا ءوتتى.
وپەرا ورىنداۋشىلار فەستيۆالىندە رەسەي فەدەراتسياسىنىڭ ەڭبەك سىڭىرگەن ءارتىسى، تاتارستان رەسپۋبليكاسىنىڭ حالىق ءارتىسى اگادي احمەت، وزبەكستان رەسپۋبليكاسىنان حالىقارالىق بايقاۋلاردىڭ لاۋرەاتى بەگزود سادىكوۆ، قازاقستاننان قر ەڭبەك سىڭىرگەن قايراتكەرى جان تاپين، حالىقارالىق بايقاۋلاردىڭ لاۋرەاتتارى ايدوس يمانجاپپاروۆ، گۇلدانا الدادوسوۆا، ماقسات ماقۇلبەكوۆ، ولەسيا سكوريكوۆا، نازىم ساعىنتاي، سۇلتان باقىتجان، نۇرقانات تاپيەۆ، ايبەك قاناتبەك الەمدىك كلاسسيك كومپوزيتورلاردىڭ ۇزدىك اندەرى مەن اباي قۇنانبايۇلىنىڭ اندەرىن وزدەرىنىڭ ەرەكشە ۇنىمەن تىڭداۋشى قاۋىمدى ءتانتى ەتتى.
ونلاين-فەستيۆالگە قاتىسۋشىلاردىڭ بەينە وتىنىمدەرى 31 قازانعا دەيىن قابىلدانىپ، بۇگىنگى كۇنگە دەيىن الەۋمەتتىك پاراقشالاردا جاريالانىپ، كوپشىلىكتىڭ قولداۋى مەن قوشەمەتىنە بولەندى.
فەستيۆال قورىتىندىسى بويىنشا قاتىسۋشىلار قالا اكىمىنىڭ ارنايى ديپلومىنا يە بولىپ جانە 2021-2022 جىلدار ارالىعىندا كارانتين رەجيمى اياقتالعاننان كەيىن ەرەكشە ونەر كورسەتكەن ونەرپازدار شىمكەنت (قازاقستان) قالاسىندا وتەتىن حالىقارالىق ءىس-شارالارعا شاقىرىلاتىن بولادى.
شىمكەنت قالاسى اكىمىنىڭ ءباسپاسوز قىزمەتى
