«Shymkent 2020 – TMD-nyń mádenı astanasy» jyly aıasynda 2020 jyldyń 15-31 qazan aralyǵynda «Dostastyqtyń opera juldyzdary» onlaın-festıvali ótti.
Festıvalge Reseı Federaııasy, Ózbekstan Respýblıkasy jáne elimizden jalpy 11 opera oryndaýshysy qatysty.
Festıval klassıkalyq mýzykanyń bıik shyńy sanalatyn opera ónerin áleýmettik jeli tyńdaýshylary arasynda nasıhattaý, TMD elderi arasynda mádenı yntymaqtastyq aýqymyn keńeıtý jáne qazaqtyń uly aqyny Abaı Qunanbaıulynyń 175 jyldyq mereıtoıyna oraı ánderin keńinen taratý maqsatynda ótti.
Opera oryndaýshylar festıvalinde Reseı Federaııasynyń eńbek sińirgen ártisi, Tatarstan Respýblıkasynyń Halyq ártisi Agadı Ahmet, Ózbekstan Respýblıkasynan Halyqaralyq baıqaýlardyń laýreaty Begzod Sadykov, Qazaqstannan QR Eńbek sińirgen qaıratkeri Jan Tapın, Halyqaralyq baıqaýlardyń laýreattary Aıdos Imanjapparov, Gúldana Aldadosova, Maqsat Maqulbekov, Olesıa Skorıkova, Nazym Saǵyntaı, Sultan Baqytjan, Nurqanat Tapıev, Aıbek Qanatbek álemdik klassık kompozıtorlardyń úzdik ánderi men Abaı Qunanbaıulynyń ánderin ózderiniń erekshe únimen tyńdaýshy qaýymdy tánti etti.
Onlaın-festıvalge qatysýshylardyń beıne ótinimderi 31 qazanǵa deıin qabyldanyp, búgingi kúnge deıin áleýmettik paraqshalarda jarııalanyp, kópshiliktiń qoldaýy men qoshemetine bólendi.
Festıval qorytyndysy boıynsha qatysýshylar qala ákiminiń arnaıy dıplomyna ıe bolyp jáne 2021-2022 jyldar aralyǵynda karantın rejımi aıaqtalǵannan keıin erekshe óner kórsetken ónerpazdar Shymkent (Qazaqstan) qalasynda ótetin halyqaralyq is-sharalarǵa shaqyrylatyn bolady.
Shymkent qalasy ákiminiń baspasóz qyzmeti
