شىمكەنت: اباي اۋدانىنا 150 دانا جاڭا كونتەينەر ورناتىلدى

1393
Adyrna.kz Telegram

شىمكەنت قالاسىنىڭ اباي اۋدانىندا كۇزگى سانيتارلىق تازالىق جانە كورىكتەندىرۋ جۇمىستارى تۇراقتى جۇرگىزىلۋدە. ءار اپتا سايىن سەنبىلىكتەر تۇراقتى تۇردە ۇيىمداستىرىلۋدا.

اۋداندا 453 كوپقاباتتى تۇرعىن ءۇيدىڭ 258 اۋلاسىن جانە 727 كوشەنىڭ سانيتارلىق جانە يرريگاتسيالىق جۇيەلەرىن قوقىستان تازارتۋ «اقسەمسەر-سترويسەرۆيس» مەكەمەسىنە جۇكتەلگەن.

اۋدان اكىمدىگىنىڭ مالىمەتىنشە، تۇرمىستىق قالدىقتار تاستالاتىن 112 كونتەينەر الاڭشاسىندا 485 كونتەينەر قويىلعان. 150 دانا جاڭا كونتەينەر ساتىپ الىنىپ، ورناتۋ جۇمىستارى تولىعىمەن ورىندالدى. بۇگىندە تۇرمىستىق قاتتى قالدىقتاردى شىعارۋمەن «لتد-تۇرمىس» جشس-ءى اينالىسۋدا.

تۇرعىنداردى تازالىققا شاقىرۋ ماقساتىندا كوپقاباتتى تۇرعىن ۇيلەردىڭ اۋلالارىنا كوممۋنالدىق مەكەمەلەردىڭ ءتىزىمى كورسەتىلگەن ارنايى اقپاراتتىق تاقتايشالار ءىلىندى.

سونىمەن قاتار، اقجار تۇرعىن الابىندا 3, التىنتوبە تۇرعىن الابىندا 7 جەرگە ارنايى قوقىس الاڭشاسىن ورناتۋ ءۇشىن جەر تەلىمى بولىنگەن. بۇگىندە اتالعان ورىندارعا 10 قوقىس الاڭشاسى مەن 20 قوقىس كونتەينەرى ورناتىلدى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر