Shymkent qalasynyń Abaı aýdanynda kúzgi sanıtarlyq tazalyq jáne kóriktendirý jumystary turaqty júrgizilýde. Ár apta saıyn senbilikter turaqty túrde uıymdastyrylýda.
Aýdanda 453 kópqabatty turǵyn úıdiń 258 aýlasyn jáne 727 kósheniń sanıtarlyq jáne ırrıgaııalyq júıelerin qoqystan tazartý «Aqsemser-Stroıservıs» mekemesine júktelgen.
Aýdan ákimdiginiń málimetinshe, turmystyq qaldyqtar tastalatyn 112 konteıner alańshasynda 485 konteıner qoıylǵan. 150 dana jańa konteıner satyp alynyp, ornatý jumystary tolyǵymen oryndaldy. Búginde turmystyq qatty qaldyqtardy shyǵarýmen «LTD-Turmys» JShS-i aınalysýda.
Turǵyndardy tazalyqqa shaqyrý maqsatynda kópqabatty turǵyn úılerdiń aýlalaryna kommýnaldyq mekemelerdiń tizimi kórsetilgen arnaıy aqparattyq taqtaıshalar ilindi.
Sonymen qatar, Aqjar turǵyn alabynda 3, Altyntóbe turǵyn alabynda 7 jerge arnaıy qoqys alańshasyn ornatý úshin jer telimi bólingen. Búginde atalǵan oryndarǵa 10 qoqys alańshasy men 20 qoqys konteıneri ornatyldy.
Shymkent qalasy ákiminiń baspasóz qyzmeti
