شىمكەنتتە بۇقارالىق سپورتتى دامىتۋدىڭ كونتسەپتسياسى جاسالادى

742

مەملەكەت باسشىسىنىڭ «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا بۇقارالىق سپورتتى دامىتۋ تۋرالى تاپسىرماسىنا سايكەس شىمكەنت قالاسىندا بۇقارالىق سپورتتى دامىتۋدىڭ كونتسەپتسياسى جاسالاتىن بولدى.

بۇگىنگى تاڭدا ستاتيستيكالىق ەسەپ بويىنشا قالادا دەنە شىنىقتىرۋ جانە سپورتپەن تۇراقتى تۇردە شۇعىلدانۋشىلار سانى 294 مىڭ ادامعا جەتكەن. بۇل بارلىق جاستاعى حالىقتىڭ سپورتپەن قامتىلۋى 27,8% ەكەنىن كورسەتەدى. جىل سوڭىنا دەيىن اتالعان كورسەتكىشتى 30%-عا جەتكىزۋ كوزدەلۋدە.

بۇل جونىندە بۇگىن شىمكەنت قالاسىنىڭ اكىمى مۇرات ايتەنوۆكە 9 ايدا اتقارىلعان جۇمىستار تۋرالى ەسەپ بەرگەن دەنە شىنىقتىرۋ جانە سپورت باسقارماسىنىڭ باسشىسى ولەگ پوچيۆالوۆ مالىمدەدى.

ونىڭ ايتۋىنشا، قالادا 856 سپورتتىق نىسان تىركەلگەن. ودان وزگە، سپورت الاڭشالارىن سالۋعا 95 جەر تەلىمى انىقتالعان. ونىڭ ىشىندە 9 جەر تەلىمىنە مەملەكەتتىك اكت الىنعان بولسا، قالعان 86 جەر بويىنشا جۇمىستار جۇرگىزىلۋدە.

جەر تەلىمدەرىن ءتيىمدى پايدالانۋ ماقساتىندا مۇرات ايتەنوۆ سالا باسشىسىنا تاپسىرمالار جۇكتەدى.

- قالاداعى بۇقارالىق سپورتتى دامىتۋدىڭ كونتسەپتسياسىن دايارلاۋ قاجەت. سونىمەن قاتار، بولىنگەن 95 جەر تەلىمىنە سالىناتىن نىسانداردىڭ ارنايى كارتاسىن جاساۋ كەرەك. ونىڭ ىشىندە اۋدان اكىمدەرىمەن بىرگە زەردەلەۋ جۇمىستارى جۇرگىزىلىپ، شالعاي ەلدىمەكەندەردە دە سپورتتى دامىتۋدىڭ جۇيەسى ازىرلەنسىن، - دەدى قالا اكىمى.

ولەگ پوچيۆالوۆ ەسەپ بەرۋ ساتىندە 1 قاراشادان باستاپ اللەيالاردا جاپپاي سپورتتىق جاتتىعۋلار ۇيىمداستىرىلاتىنىن جەتكىزدى. ۋاقىتى تاڭعى 07.30-دا جانە كەشكى 18.30-عا بەلگىلەنگەن. حالىق كوپ جينالاتىن سپورت الاڭدارى رەتىندە اباي ساياباعى، مەتاللۋرگشىلەر ساياباعى، وتباسى اللەياسى، قوشقار-اتا جاعالاۋى، تاۋەلسىزدىك ساياباعى، ورتالىق ساياباعى، جەڭىس ساياباعى، دەندروساياباق، نۇرسات شاعىن اۋدانىنداعى اللەياسى جانە قاجىمۇقان اتىنداعى ورتالىق ستاديون تاڭدالعان.

شىمكەنت قالاسى اكىمىنىڭ ءباسپاسوز قىزمەتى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket