Memleket basşysynyŋ «Jaŋa jaǧdaidaǧy Qazaqstan: ıs-qimyl kezeŋı» atty Qazaqstan halqyna joldauynda būqaralyq sportty damytu turaly tapsyrmasyna säikes Şymkent qalasynda būqaralyq sportty damytudyŋ konsepsiiasy jasalatyn boldy.
Bügıngı taŋda statistikalyq esep boiynşa qalada dene şynyqtyru jäne sportpen tūraqty türde şūǧyldanuşylar sany 294 myŋ adamǧa jetken. Būl barlyq jastaǧy halyqtyŋ sportpen qamtyluy 27,8% ekenın körsetedı. Jyl soŋyna deiın atalǧan körsetkıştı 30%-ǧa jetkızu közdelude.
Būl jönınde bügın Şymkent qalasynyŋ äkımı Mūrat Äitenovke 9 aida atqarylǧan jūmystar turaly esep bergen dene şynyqtyru jäne sport basqarmasynyŋ basşysy Oleg Pochivalov mälımdedı.
Onyŋ aituynşa, qalada 856 sporttyq nysan tırkelgen. Odan özge, sport alaŋşalaryn saluǧa 95 jer telımı anyqtalǧan. Onyŋ ışınde 9 jer telımıne memlekettık akt alynǧan bolsa, qalǧan 86 jer boiynşa jūmystar jürgızılude.
Jer telımderın tiımdı paidalanu maqsatynda Mūrat Äitenov sala basşysyna tapsyrmalar jüktedı.
- Qaladaǧy būqaralyq sportty damytudyŋ konsepsiiasyn daiarlau qajet. Sonymen qatar, bölıngen 95 jer telımıne salynatyn nysandardyŋ arnaiy kartasyn jasau kerek. Onyŋ ışınde audan äkımderımen bırge zerdeleu jūmystary jürgızılıp, şalǧai eldımekenderde de sportty damytudyŋ jüiesı äzırlensın, - dedı qala äkımı.
Oleg Pochivalov esep beru sätınde 1 qaraşadan bastap alleialarda jappai sporttyq jattyǧular ūiymdastyrylatynyn jetkızdı. Uaqyty taŋǧy 07.30-da jäne keşkı 18.30-ǧa belgılengen. Halyq köp jinalatyn sport alaŋdary retınde Abai saiabaǧy, Metallurgşıler saiabaǧy, Otbasy alleiasy, Qoşqar-Ata jaǧalauy, Täuelsızdık saiabaǧy, Ortalyq saiabaǧy, Jeŋıs saiabaǧy, Dendrosaiabaq, Nūrsat şaǧyn audanyndaǧy alleiasy jäne Qajymūqan atyndaǧy Ortalyq stadion taŋdalǧan.
Şymkent qalasy äkımınıŋ baspasöz qyzmetı
