قالاداعى 148 ورتا ءبىلىم بەرەتىن مەكتەپتە 139 سپورت زال جانە 174 سپورت الاڭشاسى بار. سونداي-اق، 3 اتۋ تيرىمەن قامتاماسىز ەتىلگەن. ونىڭ ىشىندە، 89 مەكتەپتە تيپتىك ۇلگىدەگى سپورت الاڭشالارى ورناتىلعان.
بيىل 17 مەكتەپكە سپورت الاڭشالار ورناتۋعا رەسپۋبليكالىق بيۋدجەتتەن 560 ميلليون تەڭگەدەن اسا قارجى ءبولىنىپ، بۇگىنگى تاڭدا 15 مەكتەپكە سپورت الاڭشالارى ورناتىلدى.
ال، قالعان 2 مەكتەپتىڭ سپورت الاڭشالارىن ورناتۋ جۇمىستارى كەستەگە سايكەس جۇرگىزىلىپ جاتىر. قازان ايىنىڭ سوڭىنا دەيىن اياقتالادى دەپ جوسپارلانعان.
ودان بولەك، بۇل جىلى 40 ميلليون تەڭگەگە مەكتەپتەردەگى سپورت زالدارى قۇرال-جابدىقتارمەن قامتاماسىز ەتىلدى.
قازىرگى تاڭدا 5 مەكتەپتە سپورت زال جوق. ونىڭ ىشىندە، 2 مەكتەپكە قوسىمشا قۇرىلىس ەسەبىنەن سپورت زال سالىنۋدا، ال 3 مەكتەپتىڭ سپورت زالىنىڭ قۇرىلىسىن سالۋ ءۇشىن جەر راسىمدەۋ جۇمىستارى جۇرگىزىلۋدە.
شىمكەنت قالاسى اكىمىنىڭ ءباسپاسوز قىزمەتى
