Qaladaǵy 148 orta bilim beretin mektepte 139 sport zal jáne 174 sport alańshasy bar. Sondaı-aq, 3 atý tırimen qamtamasyz etilgen. Onyń ishinde, 89 mektepte tıptik úlgidegi sport alańshalary ornatylǵan.
Bıyl 17 mektepke sport alańshalar ornatýǵa respýblıkalyq bıýdjetten 560 mıllıon teńgeden asa qarjy bólinip, búgingi tańda 15 mektepke sport alańshalary ornatyldy.
Al, qalǵan 2 mekteptiń sport alańshalaryn ornatý jumystary kestege sáıkes júrgizilip jatyr. Qazan aıynyń sońyna deıin aıaqtalady dep josparlanǵan.
Odan bólek, bul jyly 40 mıllıon teńgege mektepterdegi sport zaldary qural-jabdyqtarmen qamtamasyz etildi.
Qazirgi tańda 5 mektepte sport zal joq. Onyń ishinde, 2 mektepke qosymsha qurylys esebinen sport zal salynýda, al 3 mekteptiń sport zalynyń qurylysyn salý úshin jer rásimdeý jumystary júrgizilýde.
Shymkent qalasy ákiminiń baspasóz qyzmeti
