شىمكەنتتىڭ تاريحي-مادەني ەسكەرتكىشتەرى 2gis كارتاسىنا ەنگىزىلمەك

2389
Adyrna.kz Telegram

شىمكەنتتىڭ تاريحي-مادەني ەسكەرتكىشتەرى، ارحەولوگيالىق كەشەندەرى كوپشىلىككە ودان ءارى وڭتايلى، قولجەتىمدى بولا تۇسپەك.

بۇگىن شىمكەنتتە «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق «رۋحاني جاڭعىرۋ» ورتالىعىنىڭ باسشىسى جانار بوقانوۆا، شىمكەنت قالاسى تۋريزم باسقارماسىنىڭ باسشىسى ولجاس شىنتاەۆ، «2GIS-Shymkent» جشس ديرەكتورى نۇرجان وماروۆ، شىمكەنت قالالىق «رۋحاني جاڭعىرۋ» ءبولىمىنىڭ مەڭگەرۋشىسى زاۋرە ورالباەۆا باق وكىلدەرىنە اتقارىلعان جۇمىستاردى بايانداپ، الداعى جوسپارلارىنان حاباردار ەتتى.
بۇگىندە ەلىمىزدە كيەلى تاريحي ورىنداردى ناقتىلاۋ «قازاقستاننىڭ كيەلى جەرلەرىنىڭ گەوگرافياسى» ارنايى جوباسى اياسىندا ىسكە اسىرىلۋدا. جوبا شەڭبەرىندە رەسپۋبليكالىق ماڭىزى بار تاريح جانە مادەنيەت ەسكەرتكىشتەردە عىلىمي-رەستاۆراتسيالاۋ جۇمىستارى جۇرگىزىلىپ، وسى وبەكتىلەردىڭ ينفراقۇرىلىمىن دامىتۋ بويىنشا جانە QR-كودتار ورنالاستىرۋ جۇمىستارى قولعا الىندى. بۇگىنگى مەموراندۋم شىمكەنتتىڭ تۋريستىك الەۋەتىن ودان ءارى دامىتۋعا زور سەرپىن بەرمەك.
– اتقارىلعان جۇمىستار ناتيجەسىندە ساكرالدىق جانە تاريحي وبەكتىلەرگە دەگەن قىزىعۋشىلىق ارتۋدا. بۇگىنگى مەموراندۋمنىڭ ماقساتى دا وسى – تاريحي-مادەني نىسانداردى حالىققا تانىمال ەتۋ، قولجەتىمدىلىكتى ارتتىرۋ. جالپى شىمكەنت قالاسىندا 10-نان استام نىسان كارتاعا ەنگىزىلەدى. جىلدىڭ سوڭىنا قاراي ءبىز وسى باعىتتا اتقارىلعان جۇمىستاردى قورىتىندىلايمىز، – دەدى جانار قاليحانقىزى.
بريفينگتە «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق «رۋحاني جاڭعىرۋ» ورتالىعىنىڭ باسشىسى جانار بوقانوۆا مەن «2GIS-Shymkent» جشس ديرەكتورى نۇرجان وماروۆ ىنتىماقتاستىق مەموراندۋمىنا قول قويدى.
جالپى، شىمكەنت قالاسىندا 7 نىسان رەسپۋبليكالىق، 8 نىسان جەرگىلىكتى ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنگىزىلگەن.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر