Shymkenttiń tarıhı-mádenı eskertkishteri, arheologııalyq keshenderi kópshilikke odan ári ońtaıly, qoljetimdi bola túspek.
Búgin Shymkentte «Rýhanı jańǵyrý» qazaqstandyq qoǵamdyq damý ınstıtýty» KEAQ «Rýhanı jańǵyrý» ortalyǵynyń basshysy Janar Boqanova, Shymkent qalasy týrızm basqarmasynyń basshysy Oljas Shyntaev, «2GIS-Shymkent» JShS dırektory Nurjan Omarov, Shymkent qalalyq «Rýhanı jańǵyrý» bóliminiń meńgerýshisi Záýre Oralbaeva BAQ ókilderine atqarylǵan jumystardy baıandap, aldaǵy josparlarynan habardar etti.
Búginde elimizde kıeli tarıhı oryndardy naqtylaý «Qazaqstannyń kıeli jerleriniń geografııasy» arnaıy jobasy aıasynda iske asyrylýda. Joba sheńberinde respýblıkalyq mańyzy bar tarıh jáne mádenıet eskertkishterde ǵylymı-restavraııalaý jumystary júrgizilip, osy obektilerdiń ınfraqurylymyn damytý boıynsha jáne QR-kodtar ornalastyrý jumystary qolǵa alyndy. Búgingi memorandým Shymkenttiń týrıstik áleýetin odan ári damytýǵa zor serpin bermek.
– Atqarylǵan jumystar nátıjesinde sakraldyq jáne tarıhı obektilerge degen qyzyǵýshylyq artýda. Búgingi memorandýmnyń maqsaty da osy – tarıhı-mádenı nysandardy halyqqa tanymal etý, qoljetimdilikti arttyrý. Jalpy Shymkent qalasynda 10-nan astam nysan kartaǵa engiziledi. Jyldyń sońyna qaraı biz osy baǵytta atqarylǵan jumystardy qorytyndylaımyz, – dedi Janar Qalıhanqyzy.
Brıfıngte «Rýhanı jańǵyrý» qazaqstandyq qoǵamdyq damý ınstıtýty» KEAQ «Rýhanı jańǵyrý» ortalyǵynyń basshysy Janar Boqanova men «2GIS-Shymkent» JShS dırektory Nurjan Omarov yntymaqtastyq memorandýmyna qol qoıdy.
Jalpy, Shymkent qalasynda 7 nysan respýblıkalyq, 8 nysan jergilikti mańyzy bar tarıh jáne mádenıet eskertkishteriniń memlekettik tizimine engizilgen.
Shymkent qalasynyń Aqparattyq-kommýnıkaııalyq ortalyǵy
