شىمكەنت قالاسىندا «تسيفرلى قازاقستان» مەملەكەتتىك باعدارلاماسىن ىسكە اسىرۋ اياسىندا قوعامدىق كولىكتەردە «تولەم» ەلەكتروندىق تولەماكى جۇيەسى ىسكە قوسىلدى. ەلەكتروندىق تولەماقى جۇيەسىنىڭ تانىستىرىلىمىنا قالا اكىمى مۇرات ايتەنوۆ قاتىستى.
جۇيەنى ەنگىزۋدىڭ ماقساتى - تسيفرلىق شەشىمدەر مەن قولما-قول اقشاسىز تولەمدەردى ەنگىزۋ، قوعامدىق كولىكتىڭ قىزمەتىن جاقسارتۋ جانە جولاۋشىلارعا قولايلى جاعداي جاساۋ، قالالىق بيۋدجەتكە تۇسىمدەردى ارتتىرۋ.
اتالعان جۇيە ارقىلى جولاۋشىلار اعىنىنىڭ ستاتيستيكالىق ەسەبىن جۇرگىزۋگە جانە ناقتى دەرەكتەر ارقىلى الەۋمەتتىك ءمانى بار مارشرۋتتاردى سۋبسيديالاۋعا مۇمكىندىك تۋادى.
جوبا جەكە ينۆەستور «QazSmartTrans» جشس-ءى ەسەبىنەن ىسكە اسىرىلدى. ينۆەستيتسيانىڭ كولەمى 1,2 ملرد. تەڭگەنى قۇرادى.
قوعامدىق كولىكتە جول ءجۇرۋ اقىسىن تولەۋ ءۇشىن تولەم كارتالارىنىڭ 4 ءتۇرى قاراستىرىلعان – ستاندارتتىق (جالپى پايدالانۋعا), مەكتەپ وقۋشىلارىنىڭ، ستۋدەنتتىك جانە جەڭىلدەتىلگەن كارتالار.
جولاۋشىلار كولىك كارتاسىمەن، SMS, QR-كود، سمارتفوندى (NFC) قولدانا وتىرىپ جول ءجۇرۋ اقىسىن تولەي الادى. 1 قاراشادان باستاپ كولىك كارتالارى ارقىلى قولما-قول تولەۋ كەزىندە قازىرگى قولداناتىن تاريفپەن 70 تەڭگە تولەيدى، ال قولما-قول اقشامەن تولەۋ كەزىندە تاريف 100 تەڭگە بولادى.
كولىك كارتاسىنىڭ باعاسى 500 تەڭگە، ءبىر رەت تەگىن جول ءجۇرۋ اقىسى بەرىلەدى.
«QazSmartTrans» جشس-گى تاراپىنان 14 مىڭ كولىك كارتاسى ۇلى وتان سوعىسى ارداگەرلەرى مەن مۇگەدەكتەرىنە، تىل ەڭبەككەرلەرىنە (ەرەن ەڭبەگى ءۇشىن مەدالىمەن ماراپاتتالعاندار), باتىر انا، التىن القا، كۇمىس القا ءتوس بەلگى يەلەرىنە جانە ءى - توپتاعى كورۋ قابىلەتى ناشار جاندارعا تەگىن تاراتىلادى.
جەڭىلدىكپەن جۇرەتىن ازاماتتارعا كارتالاردى تەگىن تاراتۋ ماقساتىندا شىمكەنت قالاسىنىڭ الەۋمەتتىك قورعاۋ جانە جۇمىسپەن قامتۋ باسقارماسى مەن قالاداعى بارلىق حالىققا قىزمەت كورسەتۋ ورتالىقتارىنان ارنايى ورىندار ۇيىمداستىرىلعان. اتالعان ورىنداردا جەڭىلدىك كارتانى الۋ ءۇشىن ازاماتتاردان قاجەتتى مالىمەتتەر قابىلدانىپ، بازاعا ەنگىزىلەدى. جالپى قالادا 220 مىڭ مەكتەپ وقۋشىسى، 80 مىڭ ستۋدەنت، 14 مىڭ جەڭىلدىك بەرىلگەن تۇرعىن بار.
بۇگىنگى تاڭدا ينۆەستور تاراپىنان كولىك كومپانيالارىمەن كەلىسىمشارت جاسالىپ، اۆتوبۋستارعا ۆاليداتورلار ورناتىلدى.
سونىمەن قاتار، سمارتفون پايدالانۋشىلارىنا ارنالعان «Open Shymkent» موبيلدىك قوسىمشاسى ازىرلەنگەن. قوسىمشا ارقىلى قولدانۋشى ءوزىنىڭ كارتاسىنىڭ تەڭگەرىمىن تەكسەرە الادى. سونداي-اق، تەڭگەرىمىن تولتىرۋمەن قاتار جول ءجۇرۋ تاريحىن دا كورۋىنە بولادى.
ودان وزگە قالا تۇرعىندارى «Open Shymkent» قوسىمشاسى ارقىلى باسقا دا قالالىق اكىمدىكپەن كورسەتىلەتىن قىزمەت تۇرلەرىن الا الادى.
تۇرعىندارعا انىقتامالىق رەتىندە 8 775 811 2222 بىرىڭعاي بايلانىس CALL-ورتالىعى ىسكە قوسىلعان.
ايتا كەتۋ كەرەك، «تولەم» كارتالارىن قالاداعى ساۋدا ۇيلەرىنەن جانە دۇكەندەردەن الۋعا بولادى.
شىمكەنت قالاسى اكىمدىگىنىڭ ءباسپاسوز قىزمەتى
