Shymkent qalasynda «ıfrly Qazaqstan» memlekettik baǵdarlamasyn iske asyrý aıasynda qoǵamdyq kólikterde «TÓLEM» elektrondyq tólemaky júıesi iske qosyldy. Elektrondyq tólemaqy júıesiniń tanystyrylymyna qala ákimi Murat Áıtenov qatysty.
Júıeni engizýdiń maqsaty - ıfrlyq sheshimder men qolma-qol aqshasyz tólemderdi engizý, qoǵamdyq kóliktiń qyzmetin jaqsartý jáne jolaýshylarǵa qolaıly jaǵdaı jasaý, qalalyq bıýdjetke túsimderdi arttyrý.
Atalǵan júıe arqyly jolaýshylar aǵynynyń statıstıkalyq esebin júrgizýge jáne naqty derekter arqyly áleýmettik máni bar marshrýttardy sýbsıdııalaýǵa múmkindik týady.
Joba jeke ınvestor «QazSmartTrans» JShS-i esebinen iske asyryldy. Investıııanyń kólemi 1,2 mlrd. teńgeni qurady.
Qoǵamdyq kólikte jol júrý aqysyn tóleý úshin tólem kartalarynyń 4 túri qarastyrylǵan – standarttyq (jalpy paıdalanýǵa), mektep oqýshylarynyń, stýdenttik jáne jeńildetilgen kartalar.
Jolaýshylar kólik kartasymen, SMS, QR-kod, smartfondy (NFC) qoldana otyryp jol júrý aqysyn tóleı alady. 1 qarashadan bastap kólik kartalary arqyly qolma-qol tóleý kezinde qazirgi qoldanatyn tarıfpen 70 teńge tóleıdi, al qolma-qol aqshamen tóleý kezinde tarıf 100 teńge bolady.
Kólik kartasynyń baǵasy 500 teńge, bir ret tegin jol júrý aqysy beriledi.
«QazSmartTrans» JShS-gi tarapynan 14 myń kólik kartasy Uly Otan soǵysy ardagerleri men múgedekterine, tyl eńbekkerlerine (Eren eńbegi úshin medalimen marapattalǵandar), Batyr ana, Altyn alqa, Kúmis alqa tós belgi ıelerine jáne I - toptaǵy kórý qabileti nashar jandarǵa tegin taratylady.
Jeńildikpen júretin azamattarǵa kartalardy tegin taratý maqsatynda Shymkent qalasynyń áleýmettik qorǵaý jáne jumyspen qamtý basqarmasy men qaladaǵy barlyq halyqqa qyzmet kórsetý ortalyqtarynan arnaıy oryndar uıymdastyrylǵan. Atalǵan oryndarda jeńildik kartany alý úshin azamattardan qajetti málimetter qabyldanyp, bazaǵa engiziledi. Jalpy qalada 220 myń mektep oqýshysy, 80 myń stýdent, 14 myń jeńildik berilgen turǵyn bar.
Búgingi tańda ınvestor tarapynan kólik kompanııalarymen kelisimshart jasalyp, avtobýstarǵa valıdatorlar ornatyldy.
Sonymen qatar, smartfon paıdalanýshylaryna arnalǵan «Open Shymkent» mobıldik qosymshasy ázirlengen. Qosymsha arqyly qoldanýshy óziniń kartasynyń teńgerimin teksere alady. Sondaı-aq, teńgerimin toltyrýmen qatar jol júrý tarıhyn da kórýine bolady.
Odan ózge qala turǵyndary «Open Shymkent» qosymshasy arqyly basqa da qalalyq ákimdikpen kórsetiletin qyzmet túrlerin ala alady.
Turǵyndarǵa anyqtamalyq retinde 8 775 811 2222 biryńǵaı baılanys CALL-ortalyǵy iske qosylǵan.
Aıta ketý kerek, «TÓLEM» kartalaryn qaladaǵy saýda úılerinen jáne dúkenderden alýǵa bolady.
Shymkent qalasy ákimdiginiń baspasóz qyzmeti
