شىمكەنت قالاسىنىڭ اكىمى مۇرات ايتەنوۆ جىلىجاي قۇرىلىسىنا قاجەتتى قۇرال – جابدىقتار وندىرەتىن زاۋىتتاردىڭ جۇمىسىمەن تانىستى. الدىمەن اسار–2 شاعىن اۋدانىندا ورنالاسقان «ZERO MAX KZ» زاۋىتىنا باردى. اتالعان زاۋىت جىلىجاي كەشەندەرىن سالۋعا ارنالعان مىرىشتالعان قۇبىرلار مەن جىلىجاي قۇرىلىسىنا قاجەتتى ونىمدەردى وندىرەدى.
جوبا قۇنى - 2,6 ملرد. تەڭگەنى قۇرايدى. ءوندىرىس ورنى جىلىنا 380 گەكتار بولاتىن جىلىجاي قۇرىلىسىنا قاجەتتى قۇرال – جابدىقتاردى وندىرۋگە قاۋقارلى. بۇگىنگى تاڭدا زاۋىتتان 100 گەكتاردان استام ونەركاسىپتىك جىلىجايلار كەشەندەرىن ىسكە اسىرۋعا جابدىقتار ساتىلعان.
سونىمەن بىرگە، قالا اكىمى وڭتۇستىك كورەيالىق تەحنولوگيامەن پوليەتيلەن پلەنكاسىن ء(ۇلبىر) جانە پلاستيك بۇيىمدارىن وندىرۋمەن اينالىساتىن «اك ورداسى پلاستيك» جشس زاۋىتىنىڭ جۇمىسىمەن تانىستى. ايتا ءوتۋ كەرەك، بۇل - جىلىجاي شارۋاشىلىقتارى ءۇشىن ەنى 12 مەترلىك ءۇش قاباتتى پلەنكا ء(ۇلبىر) شىعاراتىن قازاقستانداعى جالعىز زاۋىت بولىپ تابىلادى.
بۇل جوبانىڭ قۇنى 2,4 ملرد. تەڭگەنى قۇرايدى. زاۋىت تاۋلىگىنە ءۇش قاباتتى جىلىجايعا ارنالعان 25 توننا پلەنكا جانە 5 توننا باقشا پلەنكالارىن (قالىڭدىعى 10 ميكروننان 300 ميكرونعا دەيىن) وندىرەدى. زاۋىت ءارتۇرلى سالالارعا ارنالعان پلەنكالاردىڭ (ۇلبىرلەردىڭ) تۇرلەرىن شىعارادى. اتاپ ايتقاندا، جىلىجاي پلەنكاسى، قۇرىلىس پوليەتيلەن پلەنكاسى، گيدرويزولياتسياعا ارنالعان پلەنكا، شوگىلەتىن پلەنكا جانە سترەيتچ پلەنكالارى.
شىمكەنت قالاسى اكىمىنىڭ ءباسپاسوز قىزمەتى
