Shymkent qalasynyń ákimi Murat Áıtenov jylyjaı qurylysyna qajetti qural – jabdyqtar óndiretin zaýyttardyń jumysymen tanysty. Aldymen Asar–2 shaǵyn aýdanynda ornalasqan «ZERO MAX KZ» zaýytyna bardy. Atalǵan zaýyt jylyjaı keshenderin salýǵa arnalǵan myryshtalǵan qubyrlar men jylyjaı qurylysyna qajetti ónimderdi óndiredi.
Joba quny - 2,6 mlrd. teńgeni quraıdy. Óndiris orny jylyna 380 gektar bolatyn jylyjaı qurylysyna qajetti qural – jabdyqtardy óndirýge qaýqarly. Búgingi tańda zaýyttan 100 gektardan astam ónerkásiptik jylyjaılar keshenderin iske asyrýǵa jabdyqtar satylǵan.
Sonymen birge, qala ákimi Ońtústik Koreıalyq tehnologııamen polıetılen plenkasyn (úlbir) jáne plastık buıymdaryn óndirýmen aınalysatyn «AK Ordasy Plastık» JShS zaýytynyń jumysymen tanysty. Aıta ótý kerek, bul - jylyjaı sharýashylyqtary úshin eni 12 metrlik úsh qabatty plenka (úlbir) shyǵaratyn Qazaqstandaǵy jalǵyz zaýyt bolyp tabylady.
Bul jobanyń quny 2,4 mlrd. teńgeni quraıdy. Zaýyt táýligine úsh qabatty jylyjaıǵa arnalǵan 25 tonna plenka jáne 5 tonna baqsha plenkalaryn (qalyńdyǵy 10 mıkronnan 300 mıkronǵa deıin) óndiredi. Zaýyt ártúrli salalarǵa arnalǵan plenkalardyń (úlbirlerdiń) túrlerin shyǵarady. Atap aıtqanda, jylyjaı plenkasy, qurylys polıetılen plenkasy, gıdroızolıaııaǵa arnalǵan plenka, shógiletin plenka jáne streıtch plenkalary.
Shymkent qalasy ákiminiń baspasóz qyzmeti
