بۇگىن اقپاراتتىق-كوممۋنيكاتسيالىق ورتالىعىندا شىمكەنت قالالىق ىشكى ساياسات جانە جاستار ىستەرى جونىندەگى باسقارماسىنىڭ باسشىسى جانار بەكتاەۆا جانە «ەركىن وي» گازەتىنىڭ باس رەداكتورى بالتابەك تۇيەتاەۆتىڭ قاتىسۋىمەن «Intellectualdy ult» جالپىۇلتتىق جوباسى بويىنشا بريفينگ ءوتتى.
ءباسپاسوز ماجىلىسىندە جانار الىبەكقىزى، ەڭ الدىمەن، «Intellectualdy ult» جالپىۇلتتىق جوباسىنىڭ ماقساتى جايىندا جان-جاقتى جەتكىزدى.
– بۇل جوبانىڭ ماقساتى جاستاردى زياتكەرلىك سپورت تۇرىنە باۋلۋعا باعىتتالعان. ياعني، شاحمات، توعىزقۇمالاق جانە دويبى ويىندارى ارقىلى جاستاردىڭ ويلاۋ قابىلەتىن ارتتىرىپ، سانالى ۇرپاق قالىپتاستىرۋ. عىلىمدا: «ادام ويلاۋ جۇيەسىنىڭ 30-اق پايىزىن قولدانادى. ال قالعانى جۇمىس ىستەتۋ ارقىلى داميدى» دەگەن قاعيدا بار. سول سەبەپتى جاس بۋىننىڭ دۇرىس ويلاۋىن دامىتۋىمىز كەرەك. ماسەلەن، بۇگىندە ءجاسوسپىرىم جەڭىل ويىندارعا، جەڭىسكە جەتۋگە قۇمار. ال شاحمات ويىنىنىڭ باستى قاعيداسى – جەڭىس ەمەس، سول جەڭىسكە قالاي جەتۋ. ياعني، ءار ءتۇرلى ءادىس قولدانىپ، ستراتەگيالىق قابىلەتىن شىڭدايدى. جاستاردىڭ بويىنا جەتپەي جاتقان وسى ءبىر قاسيەتتى جەتىلدىرۋ ماقساتىندا بۇل جوبانى قولعا الدىق، – دەدى باسقارما باسشىسى.
بريفينگ بارىسىندا اتالعان جوبانىڭ جاناشىرى ءارى جۇزەگە اسىرۋشىسى بالتابەك تۇيەتاەۆ بايقاۋ جايىندا ءسوز قوزعادى.
– بۇل جوبا اياسىندا «ويلى بولساڭ، وزىپ كور!» بايقاۋى وتەدى. ول 15 قازان كۇنى باستالىپ، جىل سوڭىنا دەيىن جالعاسادى. جالپى جۇلدە قورى – 2,5 ملن تەڭگە. سايىس جاس ەرەكشەلىكتەرگە بولىنگەن. ولار – وقۋشىلار، ەرەسەكتەر جانە ارداگەرلەر. بۇل ينتەللەكتۋالدى ويىندار اقىل-وي تاربيەسىنە، جەكە ادامدى قالىپتاستىرۋعا ەرەكشە ىقپال ەتەدى. اتاپ ايتسام، قازاق توپىراعىنداعى ۇلى تۇلعالار ا.قۇنانباەۆ، ش.قۇدايبەردىۇلى، م.دۋلاتۇلى، ش.قالداياقوۆ جانە ع.مۇسىرەپوۆ زياتكەرلىك ونەرىمەن دارالانعان، – دەدى بالتابەك يساقۇلى.
ايتا كەتەيىك، بايقاۋدا كاسىبي ماماندار تورەشىلىك ەتەدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو – س.قوساي
