شىمكەنت قالاسىنداعى №8 قىسقى سپورت تۇرلەرىنەن وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر مەكتەبى قۇراما كوماندالارى جاتتىعۋ پروتسەسىنە قايتا ورالىپ، ءوز شەبەرلىكتەرىن شىڭداۋدا. بۇگىندە مۇزسارايىندا سپورتشىلارعا ىڭعايلى جاعداي جاساۋ ماقساتىندا مۇز ايدىنىن قۇيۋ جۇمىستارى جۇرگىزىلدى. بۇل جۇمىستار باس مەملەكەتتىك سانيتارلىق دارىگەرىنىڭ №39 قاۋلىسىندا 30 ادامنان اسپايتىن ۇلتتىق قۇرامالار ءۇشىن جاتتىعۋ پروتسەسىنە رۇقسات بەرگەننەن كەيىن باستالدى.
الەمدىك دەڭگەيدەگى جارىستاردا جاقسى ناتيجە كورسەتىپ جۇرگەن مەكتەپتە 400-دەن استام شاكىرت سپورتتىڭ 5 تۇرىمەن شۇعىلدانادى. ولار - امبەباپ جەكپە-جەك، فريستايل، شورت-ترەك، مانەرلەپ سىرعاناۋ جانە شايبالى حوككەي. سپورت مەكتەبىنىڭ بولاشاققا جوسپارى كوپ. ولار الداعى ۋاقىتتا وتەتىن قازاقستان چەمپيوناتى مەن قىسقى ازيا ويىندارىنا شورت-ترەك پەن مانەرلەپ سىرعاناۋ سپورت ءتۇرى بويىنشا قاتىسۋعا ۇمىتكەر.
ايتا كەتەيىك، شىمكەنتتە باس سانيتارلىق دارىگەرىنىڭ تالاپتارى ساقتالا وتىرىپ 29 سپورت مەكەمەلەرىندە سپورتشىلار جاتتىعۋلارىن باستادى.
شىمكەنت قالاسى اكىمىنىڭ ءباسپاسوز قىزمەتى
