Shymkent qalasyndaǵy №8 qysqy sport túrlerinen olımpıada rezerviniń mamandandyrylǵan balalar men jasóspirimder mektebi qurama komandalary jattyǵý proesine qaıta oralyp, óz sheberlikterin shyńdaýda. Búginde Muzsaraıynda sportshylarǵa yńǵaıly jaǵdaı jasaý maqsatynda muz aıdynyn quıý jumystary júrgizildi. Bul jumystar Bas memlekettik sanıtarlyq dárigeriniń №39 qaýlysynda 30 adamnan aspaıtyn ulttyq quramalar úshin jattyǵý proesine ruqsat bergennen keıin bastaldy.
Álemdik deńgeıdegi jarystarda jaqsy nátıje kórsetip júrgen mektepte 400-den astam shákirt sporttyń 5 túrimen shuǵyldanady. Olar - ámbebap jekpe-jek, frıstaıl, short-trek, mánerlep syrǵanaý jáne shaıbaly hokkeı. Sport mektebiniń bolashaqqa jospary kóp. Olar aldaǵy ýaqytta ótetin Qazaqstan chempıonaty men qysqy Azııa oıyndaryna short-trek pen mánerlep syrǵanaý sport túri boıynsha qatysýǵa úmitker.
Aıta keteıik, Shymkentte Bas sanıtarlyq dárigeriniń talaptary saqtala otyryp 29 sport mekemelerinde sportshylar jattyǵýlaryn bastady.
Shymkent qalasy ákiminiń baspasóz qyzmeti
