ءۇشىنشى مەگاپوليسكە جۇمىس ساپارىمەن كەلگەن قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ شىمكەنت قالاسىنىڭ اكىمى مۇرات ايتەنوۆپەن بىرگە جاڭا جولاۋشىلار تەرمينالىنىڭ قۇرىلىس بارىسىمەن تانىستى.
قۇرىلىس جوباسى ينفراقۇرىلىمدى دامىتۋدىڭ 2020-2025 جىلدارعا ارنالعان «نۇرلى جول» مەملەكەتتىك باعدارلاماسى اياسىندا جەكە ينۆەستوردىڭ («سكات» اۆياكومپانياسى) ءوز قاراجاتى ەسەبىنەن جۇزەگە اسىرىلۋدا.
«سكات» اۆياكومپانياسىنىڭ پرەزيدەنتى ۆلاديمير دەنيسوۆ جاڭا تەرمينالدىڭ وندىرىستىك قۋاتى، ترانزيتتىك جولاۋشىلاردى تارتۋ جوسپارلارى تۋرالى، سونداي-اق قۇرىلىس كەزىندە پايدالانىلاتىن زاماناۋي ماتەريالدار، ونىڭ ىشىندە وتاندىق ءوندىرىستىڭ ۇلەسى تۋرالى باياندادى.
جاڭا تەرمينال حالىقارالىق ساپا جانە قاۋىپسىزدىك ستاندارتتارىنا سايكەس كەلەدى. بۇل مەگاپوليس تۇرعىندارى مەن قوناقتارىن جايلىلىقتىڭ جوعارى دەڭگەيىمەن قامتاماسىز ەتۋگە مۇمكىندىك بەرەدى.
انىقتامالىق:
جاڭا جولاۋشىلار تەرمينالىنىڭ پارامەترلەرى:
اۋدانى - 35 000 ش. م;
4 قاباتتى عيمارات;
وتكىزۋ قابىلەتى - 2000 جول/ساع;
تەلەسكوپيالىق تراپتار - 4 بىرلىك;
باگاجدى تىركەۋ مەن وڭدەۋدىڭ اۆتوماتتاندىرىلعان جۇيەسى;
تىركەۋ تاعاندارى - 24 بىرلىك;
ليفتىلەر - 9 بىرلىك;
ەسكالاتورلار - 13 بىرلىك.
