Úshinshi megapolıske jumys saparymen kelgen QR Indýstrııa jáne ınfraqurylymdyq damý mınıstri Beıbit Atamqulov Shymkent qalasynyń ákimi Murat Áıtenovpen birge jańa jolaýshylar termınalynyń qurylys barysymen tanysty.
Qurylys jobasy ınfraqurylymdy damytýdyń 2020-2025 jyldarǵa arnalǵan «Nurly Jol» memlekettik baǵdarlamasy aıasynda jeke ınvestordyń («SKAT» avıakompanııasy) óz qarajaty esebinen júzege asyrylýda.
«SKAT» avıakompanııasynyń prezıdenti Vladımır Denısov jańa termınaldyń óndiristik qýaty, tranzıttik jolaýshylardy tartý josparlary týraly, sondaı-aq qurylys kezinde paıdalanylatyn zamanaýı materıaldar, onyń ishinde otandyq óndiristiń úlesi týraly baıandady.
Jańa termınal halyqaralyq sapa jáne qaýipsizdik standarttaryna sáıkes keledi. Bul megapolıs turǵyndary men qonaqtaryn jaılylyqtyń joǵary deńgeıimen qamtamasyz etýge múmkindik beredi.
Anyqtamalyq:
Jańa jolaýshylar termınalynyń parametrleri:
aýdany - 35 000 sh. m;
4 qabatty ǵımarat;
ótkizý qabileti - 2000 jol/saǵ;
teleskopııalyq traptar - 4 birlik;
bagajdy tirkeý men óńdeýdiń avtomattandyrylǵan júıesi;
tirkeý taǵandary - 24 birlik;
lıftiler - 9 birlik;
eskalatorlar - 13 birlik.
