شىمكەنت: ماگيسترالدىق جانە ىشكى ورامدىق جىلۋ جۇيەلەرى سۋمەن تولتىرىلۋدا

1341
Adyrna.kz Telegram

شىمكەنت قالاسىندا جىلىتۋ ماۋسىمىنا دايىندىق جۇمىستارى جالعاسۋدا. اعىمداعى جىلدىڭ 1 قازانىنان باستاپ قالانىڭ ماگيسترالدىق جانە ىشكى ورامدىق جىلۋ جۇيەلەرىن سۋىق سۋمەن تولتىرۋ جۇمىستارى جۇرگىزىلۋدە.
قازىرگى ۋاقىتتا قالانىڭ ماگيسترالدىق جىلۋ جۇيەلەرى تولىقتاي سۋعا تولعان.
«ىشكى ورامدىق جىلۋ جۇيەلەرىن سۋعا تولتىرۋ جۇمىستارى جالعاسۋدا. بۇل تۇرعىدا بۇگىنگى اتقارىلعان جۇمىستار 60%-دى قۇرايدى. قازان ايىنىڭ 10-12 دەيىن قالاداعى ماگيسترالدىق ىشكى ورامدىق جىلۋ جۇيەلەرى تولىقتاي سۋىق سۋمەن تولاتىرىلاتىن بولادى»، - دەيدى شىمكەنت قالاسى ەنەرگەتيكا جانە كوممۋنالدى شارۋاشىلىق باسقارماسىنىڭ باس مامانى گۇلناز شادمانوۆا.
شىمكەنت اۋماعىندا جىلۋ 15 قازاننان باستاپ قوسىلادى. اۋەلى اۋرۋحانا، بالاباقشا مەن مەكتەپ سياقتى الەۋمەتتىك ماڭىزى بار عيماراتتار جىلۋمەن قامتاماسىز ەتىلەدى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر