Shymkent: Magıstraldyq jáne ishki oramdyq jylý júıeleri sýmen toltyrylýda

1340
Adyrna.kz Telegram

Shymkent qalasynda jylytý maýsymyna daıyndyq jumystary jalǵasýda. Aǵymdaǵy jyldyń 1 qazanynan bastap qalanyń magıstraldyq jáne ishki oramdyq jylý júıelerin sýyq sýmen toltyrý jumystary júrgizilýde.
Qazirgi ýaqytta qalanyń magıstraldyq jylý júıeleri tolyqtaı sýǵa tolǵan.
«Ishki oramdyq jylý júıelerin sýǵa toltyrý jumystary jalǵasýda. Bul turǵyda búgingi atqarylǵan jumystar 60%-dy quraıdy. Qazan aıynyń 10-12 deıin qaladaǵy magıstraldyq ishki oramdyq jylý júıeleri tolyqtaı sýyq sýmen tolatyrylatyn bolady», - deıdi Shymkent qalasy energetıka jáne kommýnaldy sharýashylyq basqarmasynyń bas mamany Gúlnaz Shadmanova.
Shymkent aýmaǵynda jylý 15 qazannan bastap qosylady. Áýeli aýrýhana, balabaqsha men mektep sııaqty áleýmettik mańyzy bar ǵımarattar jylýmen qamtamasyz etiledi.

Shymkent qalasy ákiminiń baspasóz qyzmeti

Pikirler