تۇركىستان قالاسىنداعى وبلىستىق عىلىمي-امبەباپ كىتاپحاناسىنىڭ قۇرىلىس جۇمىستارى اياقتالۋعا جاقىن. شىمكەنت قالاسىنىڭ سىيى – عىلىمي-امبەباپ كىتاپحانانىڭ بۇگىندە سىرتقى جانە ىشكى ارلەۋ جۇمىستارى جۇرگىزىلۋدە.
كىتاپحانادا 250 مىڭ كىتاپ قورى بولادى. وقۋ زالى 392 ورىنعا لايىقتالعان. ءۇش قاباتتى عيماراتتىڭ جالپى اۋماعى 8414 شارشى مەتردى قۇرايدى.
كىتاپحانادا ءبىرشاما تەحنولوگيالىق شەشىمدەر قاراستىرىلعان. ماسەلەن، كەلۋشى ەكراندى باسىپ، قاجەتتى كىتاپقا تاپسىرىس بەرە الادى، سودان كەيىن اۆتوماتتاندىرىلعان جۇيە كونۆەيەر ارقىلى ونى قويمادان جەتكىزىپ بەرەدى.
ەلباسى تاپسىرماسى بويىنشا تۇركىستان قالاسىن دامىتۋ ءۇشىن شىمكەنت قالاسى دا ءوز ۇلەستەرىن قوسىپ وتىر.
نىسانداعى قۇرىلىس-مونتاج جۇمىستارى كەستەگە سايكەس جۇرگىزىلۋىن قالا اكىمى مۇرات ايتەنوۆ ءوزىنىڭ جەكە باقىلاۋىنا العان.
شىمكەنت قالاسى اكىمىنىڭ ءباسپاسوز قىزمەتى
