Túrkistan qalasyndaǵy oblystyq ǵylymı-ámbebap kitaphanasynyń qurylys jumystary aıaqtalýǵa jaqyn. Shymkent qalasynyń syıy – ǵylymı-ámbebap kitaphananyń búginde syrtqy jáne ishki árleý jumystary júrgizilýde.
Kitaphanada 250 myń kitap qory bolady. Oqý zaly 392 orynǵa laıyqtalǵan. Úsh qabatty ǵımarattyń jalpy aýmaǵy 8414 sharshy metrdi quraıdy.
Kitaphanada birshama tehnologııalyq sheshimder qarastyrylǵan. Máselen, kelýshi ekrandy basyp, qajetti kitapqa tapsyrys bere alady, sodan keıin avtomattandyrylǵan júıe konveıer arqyly ony qoımadan jetkizip beredi.
Elbasy tapsyrmasy boıynsha Túrkistan qalasyn damytý úshin Shymkent qalasy da óz úlesterin qosyp otyr.
Nysandaǵy qurylys-montaj jumystary kestege sáıkes júrgizilýin qala ákimi Murat Áıtenov óziniń jeke baqylaýyna alǵan.
Shymkent qalasy ákiminiń baspasóz qyzmeti
