بەكزات نۇرداۋلەتوۆ قارسىلاسىن نوكاۋتقا ءتۇسىردى (ۆيدەو)

7011
Adyrna.kz Telegram

قازاق بوكسشىسى بەكزات نۇرداۋلەتوۆ كاسىپقوي بوكستاعى العاشقى جەكپە-جەگىندە قارسىلاسىن نوكاۋتقا ءتۇسىردى، دەپ حابارلايدى "ادىرنا" ۇلتتىق پورتالى.

كاسىپقوي بوكس كەشى  اتىراۋ قالاسىندا ۇيىمداستىرىلعان بولاتىن. وسى كەشتە بەكزات نۇرداۋلەتوۆ كاسىپقوي بوكستاعى العاشقى جەكپە-جەگىندە تانزانيالىق  28-جاستاعى بوكسشى يبراگيم ماوكولۋمەن كەزدەستى. وتانداسىمىز قارسىلاسىن ەكىنشى راۋندتا نوكاۋتقا ءتۇسىرىپ، جەڭىس تۋىن كوتەردى.

ەسكە سالا كەتەيىك، بەكزات نۇرداۋلەتوۆ 1998 جىلدىڭ 10 ساۋىرىندە ماڭعىستاۋ وبلىسى جاڭاوزەن قالاسىندا دۇنيەگە كەلگەن. 2019 جىلى رەسەيدىڭ ەكاتەرينبۋرگ قالاسىندا 81 كەلى سالماقتا سىنعا ءتۇسىپ، ءتورت دۇركىن الەم چەمپيونى اتانعان كۋبالىق حۋليو سەسار لا كرۋستى نوكداۋنعا ءتۇسىرىپ، التىن مەدال جەڭىپ الدى.

سونىمەن قاتار، بەكزات نۇرداۋلەتوۆ الداعى ۋاقىتتا توكيو وليمپياداسىنا جولدمانى ۇتىپ العان بولاتىن.

شارشى الاڭداعى ەرەن قايراتى مەن شەبەرلىگىنە قاراي وتىرىپ، ەلىمىزدىڭ وليمپيادا كوميتەتى وعان كاسىپقوي بوكستا باق سىناۋعا رۇقسات بەرگەن بولاتىن.

 

 

ۇلاربەك دالەيۇلى

پىكىرلەر