Qazaq boksshysy Bekzat Nurdáýletov kásipqoı bokstaǵy alǵashqy jekpe-jeginde qarsylasyn nokaýtqa túsirdi, dep habarlaıdy "Adyrna" ulttyq portaly.
Kásipqoı boks keshi Atyraý qalasynda uıymdastyrylǵan bolatyn. Osy keshte Bekzat Nurdáýletov kásipqoı bokstaǵy alǵashqy jekpe-jeginde tanzanııalyq 28-jastaǵy boksshy Ibragım Maokolýmen kezdesti. Otandasymyz qarsylasyn ekinshi raýndta nokaýtqa túsirip, jeńis týyn kóterdi.
Eske sala keteıik, Bekzat Nurdáýletov 1998 jyldyń 10 sáýirinde Mańǵystaý oblysy Jańaózen qalasynda dúnıege kelgen. 2019 jyly Reseıdiń Ekaterınbýrg qalasynda 81 keli salmaqta synǵa túsip, tórt dúrkin álem chempıony atanǵan kýbalyq Hýlıo Sesar la Krýsty nokdaýnǵa túsirip, altyn medal jeńip aldy.
Sonymen qatar, Bekzat Nurdáýletov aldaǵy ýaqytta Tokıo olımpıadasyna joldmany utyp alǵan bolatyn.
Sharshy alańdaǵy eren qaıraty men sheberligine qaraı otyryp, elimizdiń olımpıada komıteti oǵan kásipqoı boksta baq synaýǵa ruqsat bergen bolatyn.
Ularbek Dáleıuly
