1 قازان - حالىقارالىق قارتتار كۇنىنە وراي شىمكەنت قالاسىنىڭ اكىمى مۇرات ايتەنوۆ قالالىق ارداگەرلەر كەڭەسىنىڭ توراعاسى يسامۋدين رىسباي ناشتايۇلىن قارتتار كۇنى مەرەكەسىمەن قۇتتىقتادى. كەزدەسۋدە قالا ارداگەرلەرىنىڭ جاعدايى مەن كەڭەستىڭ قوعام ومىرىندەگى ماڭىزى تالقىلاندى.
سونداي-اق، مۇرات دۇيسەنبەكۇلى ارداگەرلەردىڭ شاڭىراقتارىنا ارنايى بارىپ، ولاردى مەرەكەمەن قۇتتىقتادى. بۇكىل ءومىرىن قاجىرلى ەڭبەككە ارناعان قارتتارعا قۇرمەت كورسەتىپ، ەستەلىك سىيلىقتار تارتۋ ەتتى.
قوعام قايراتكەرى نۇرماحانبەت اجىمەتۇلىن مەرەيلى مەرەكەمەن قۇتتىقتاي كەلگەن قالا باسشىسى اعا بۋىننىڭ وتانعا دەگەن سۇيىسپەنشىلىگى جاس ۇرپاق ءۇشىن ءاردايىم ۇلگى-ونەگە بولارىن ايتتى.
نۇرماحانبەت اجىمەتۇلى 1927 جىلى قازىعۇرت اۋدانى، قازىعۇرت اۋىلىندا دۇنيەگە كەلگەن. پارتيا، كەڭەس قىزمەتكەرى، قوعام قايراتكەرى. وڭتۇستىك قازاقستان وبلىسىنىڭ جانە قازىعۇرت، تولەبي، تۇلكىباس، العاباس، كەلەس اۋداندارىنىڭ قۇرمەتتى ازاماتى. جۇبايى نۇرەكەنوۆا رابيگۇل — قازاق كسر-ءى حالىق اعارتۋ ءىسىنىڭ وزىق قىزمەتكەرى. ۇل-قىزدارى جوعارى ءبىلىمدى ماماندار.
مۇرات ايتەنوۆ تىل ارداگەرى نينا لىچاگينانىڭ دا وتباسىندا بولىپ، ارداگەر اپامىزعا جىلى لەبىزىن ءبىلدىردى. شاھار باسشىسى ءار ءىسi ىزەتتىلىك پەن ۇلگi-ونەگەگە تولى قادiرمەندi قاريالاردىڭ ەلگە سiڭiرگەن ەرەن ەڭبەگى ۇرپاق ساناسىندا ماڭگى ساقتالارىن جەتكىزدى.
نينا لىچاگينا 1927 جىلى ۆورونەج وبلىسى، گريبانوۆ اۋدانىندا تۋعان. وقۋدى بىتىرگەن سوڭ 1946 جىلى وڭتۇستىك قازاقستان وبلىسىنا جولداما الىپ، مۇندا 1946-1960 زووتەحنيك ماماندىعىمەن جۇمىس ىستەگەن. ال، 1974-1986 جىلدارى وبلىستىق مەمينسپەكتسيادا اۋىل شارۋاشىلىق ونىمدەرىن ساتىپ الۋ جونىندەگى باس مەملەكەتتىك ينسپەكتور بولىپ قىزمەت ەتتى. قاريا سول جىلدارداعى ەرەن ەڭبەگىنىڭ ارقاسىندا «ەڭبەك قىزىل تۋ» جانە «قۇرمەت بەلگىسى» وردەندەرىمەن ناگرادتالعان. بۇگىندە نەمەرەسىنىڭ وتباسىندا تۇرادى.
ايتا كەتەيىك، بۇگىنگى كۇنى شىمكەنت قالاسىنىڭ ءماسليحات حاتشىسى مەن قالا اكىمىنىڭ ورىنباسارلارى جانە اۋدان اكىمدەرى 70-تەن استام ارداگەرلەردىڭ وتباسىنا بارىپ قۇتتىقتايتىن بولادى.
شىمكەنت قالاسى اكىمىنىڭ ءباسپاسوز قىزمەتى
