1 qazan - Halyqaralyq qarttar kúnine oraı Shymkent qalasynyń ákimi Murat Áıtenov qalalyq ardagerler keńesiniń tóraǵasy Isamýdın Rysbaı Nashtaıulyn qarttar kúni merekesimen quttyqtady. Kezdesýde qala ardagerleriniń jaǵdaıy men keńestiń qoǵam ómirindegi mańyzy talqylandy.
Sondaı-aq, Murat Dúısenbekuly ardagerlerdiń shańyraqtaryna arnaıy baryp, olardy merekemen quttyqtady. Búkil ómirin qajyrly eńbekke arnaǵan qarttarǵa qurmet kórsetip, estelik syılyqtar tartý etti.
Qoǵam qaıratkeri Nurmahanbet Ájimetulyn mereıli merekemen quttyqtaı kelgen qala basshysy aǵa býynnyń Otanǵa degen súıispenshiligi jas urpaq úshin árdaıym úlgi-ónege bolaryn aıtty.
Nurmahanbet Ájimetuly 1927 jyly Qazyǵurt aýdany, Qazyǵurt aýylynda dúnıege kelgen. Partııa, keńes qyzmetkeri, qoǵam qaıratkeri. Ońtústik Qazaqstan oblysynyń jáne Qazyǵurt, Tólebı, Túlkibas, Alǵabas, Keles aýdandarynyń Qurmetti azamaty. Jubaıy Nurekenova Rabıgúl — Qazaq KSR-i halyq aǵartý isiniń ozyq qyzmetkeri. Ul-qyzdary joǵary bilimdi mamandar.
Murat Áıtenov tyl ardageri Nına Lychagınanyń da otbasynda bolyp, ardager apamyzǵa jyly lebizin bildirdi. Shahar basshysy ár isi izettilik pen úlgi-ónegege toly qadirmendi qarııalardyń elge sińirgen eren eńbegi urpaq sanasynda máńgi saqtalaryn jetkizdi.
Nına Lychagına 1927 jyly Voronej oblysy, Grıbanov aýdanynda týǵan. Oqýdy bitirgen soń 1946 jyly Ońtústik Qazaqstan oblysyna joldama alyp, munda 1946-1960 zootehnık mamandyǵymen jumys istegen. Al, 1974-1986 jyldary oblystyq memınspekııada aýyl sharýashylyq ónimderin satyp alý jónindegi bas memlekettik ınspektor bolyp qyzmet etti. Qarııa sol jyldardaǵy eren eńbeginiń arqasynda «Eńbek Qyzyl Tý» jáne «Qurmet belgisi» ordenderimen nagradtalǵan. Búginde nemeresiniń otbasynda turady.
Aıta keteıik, búgingi kúni Shymkent qalasynyń máslıhat hatshysy men qala ákiminiń orynbasarlary jáne aýdan ákimderi 70-ten astam ardagerlerdiń otbasyna baryp quttyqtaıtyn bolady.
Shymkent qalasy ákiminiń baspasóz qyzmeti
