قازاقستاندىق بەلگىلى زاڭگەر دجوحار وتەباەۆ سۋديالاردىڭ اجىراسۋ ءۇشىن تولەنەتىن باج سالىعىن كوبەيتۋ تۋرالى ۇسىنىسىنا ءوز قارسىلىعىن ءبىلدىردى. ول بۇل تۋرالى Facebook جەلىسىندەگى رەسمي پاراقشاسىندا جازدى، دەپ حابارلايدى «ادىرنا» ۇلتتىق پورتالى.
«سۋديالار وزدەرىنىڭ جاعدايىن جاقسارتۋ ءۇشىن سالىقتى كوتەرۋدى كىمنەن باستاۋدى ۇسىندى؟ بانكتەر مەن وليگارحتاردان با؟ ارينە، جوق! بىزدەن، سونىڭ ىشىندە قاراپايىم اجىراسقىسى كەلگەن ادامداردان.
الماتى قالالىق سوتىنىڭ سۋدياسى كارىبجانوۆ سۋديالاردىڭ VIII سەزىنە ايعاقتارمەن كىرىپ، باسقا ەلدەردە اجىراسۋ ءۇشىن تولەنەتىن باج سالىعىنىڭ قازاقستانعا قاراعاندا جوعارى ەكەنىن جەتكىزدى. ول توقاەۆقا مىسال رەتىندە ەكى دەموكراتيالىق دەرجاۆاداعى جاعدايدى كورسەتتى. ياعني، سالىق وزبەكستاندا 25 ەسە، مولدوۆادا 120 ەسە كوپ ەكەن.
ارينە، بۇل وتىرىك! مولدوۆادا باج سالىعى 40 لەيدى قۇرايدى، ياعني 1000 تەڭگە.مەن بۇل مالىمەتتىڭ جالعان ەكەنىن سەزىپ، بىردەن عالامتور بەتتەرىن اقتاردىم. ال سۋديالاردىڭ بۇكىل سەزى مالىمدەمە بارىسىندا ەشقانداي بۇرمالاۋشىلىقتى انىقتاعان جوق! قۇرمەتتى سۋديالار، سىزدەردىڭ ەرۋديتسيالارىڭىز بەن اكادەميالىق مادەنيەتتەرىڭىز قايدا؟
ءبىزدىڭ مولدوۆاندىقتاردان ۇيرەنەرىمىز كوپ. ولار ءوزارا كەلىسىم بولعان جاعدايدا عانا احاج بولىمىندە، سونداي-اق نوتاريۋس ارقىلى اجىراسادى. ال قازاقستاندا ورتاق بالالارى بار ەرلى-زايىپتىلار اجىراسۋ ءۇشىن مىندەتتى تۇردە سوتقا جۇگىنۋلەرى ءتيىس.
مولدوۆانىڭ وسى زاڭىن نەگىزگە الا وتىرىپ، ادامداردىڭ ءومىرىن جەڭىلدەتۋگە بولار ەدى عوي؟ بىراق جوق، سىزدەرگە حالىقتىڭ قالتاسىن قاعىپ قالۋ الدەقايدا قىزىعىراق»،-دەدى زاڭگەر.
«ادىرنا» ۇلتتىق پورتالى
