شىمكەنت: قوناەۆ داڭعىلىندا جولايرىق قۇرىلىسى ءجۇرىپ جاتىر

1925
Adyrna.kz Telegram

شىمكەنت قالاسىندا رىسقۇلوۆ كوشەسى مەن قوناەۆ داڭعىلىنىڭ قيىلىسىندا جولايرىق سالۋ ماقساتىندا قىزۋ جۇمىستار جۇرگىزىلۋدە. جوبا بيىلعى جىلدىڭ قازان ايىندا باستالىپ، كەلەسى جىلدىڭ جەلتوقسان ايىندا اياقتالادى دەپ جوسپارلانۋدا.

جوبانىڭ باس مەردىگەرى - «Bazis Construction» جشس، اۆتورلىق قاداعالاۋشى – «ساۋلەت-SKB» جشس، تەحنيكالىق قاداعالاۋشى – «اكمول تەح نادزور» جاۋاپكەرشىلىگى شەكتەۋلى سەرىكتەستىكتەرى.

قازىرگى ۋاقىتتا نىساندا جاسىل جەلەكتەردى كەسۋ، قايتا وتىرعىزۋ، گاز، سۋ قۇبىرىنىڭ ورلارىن قازۋ جانە جالپى سانى 105 تەمىربەتوندى قادالار ورنىن بۇرعىلاۋ، ارماتۋرامەن ورىلگەن قاڭقالار ورناتۋ جانە بەتون قۇيۋ جۇمىستارى جۇرگىزىلىپ جاتىر.

تەمىربەتوندى قادالاردى سالۋداعى ماقسات، قوناەۆ داڭعىلى بويىندا ورنالاسقان كوپقاباتتى تۇرعىن ۇيدەن توپىراققا تۇسەتىن جۇكتەمەلەردى ۇستاۋ بولىپ تابىلادى. جوباعا سايكەس قوناەۆ داڭعىلى بويىندا ۇزىندىعى 540 م قۇرايتىن توننەل سالىناتىن بولادى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر