Shymkent qalasynda Rysqulov kóshesi men Qonaev dańǵylynyń qıylysynda jolaıryq salý maqsatynda qyzý jumystar júrgizilýde. Joba bıylǵy jyldyń qazan aıynda bastalyp, kelesi jyldyń jeltoqsan aıynda aıaqtalady dep josparlanýda.
Jobanyń bas merdigeri - «Bazis Construction» JShS, avtorlyq qadaǵalaýshy – «Saýlet-SKB» JShS, tehnıkalyq qadaǵalaýshy – «Akmol Teh Nadzor» jaýapkershiligi shekteýli seriktestikteri.
Qazirgi ýaqytta nysanda jasyl jelekterdi kesý, qaıta otyrǵyzý, gaz, sý qubyrynyń orlaryn qazý jáne jalpy sany 105 temirbetondy qadalar ornyn burǵylaý, armatýramen órilgen qańqalar ornatý jáne beton quıý jumystary júrgizilip jatyr.
Temirbetondy qadalardy salýdaǵy maqsat, Qonaev dańǵyly boıynda ornalasqan kópqabatty turǵyn úıden topyraqqa túsetin júktemelerdi ustaý bolyp tabylady. Jobaǵa sáıkes Qonaev dańǵyly boıynda uzyndyǵy 540 m quraıtyn tonnel salynatyn bolady.
Shymkent qalasy ákiminiń baspasóz qyzmeti
