وسى جىلدىڭ 9 ايىندا شىمكەنت قالاسى پروكۋراتۋراسىنىڭ قاۋلىسى نەگىزىندە جوسپاردان تىس 3 تەكسەرۋ، 1 باقىلاۋ سۋبەكتىسىنە بارۋ ارقىلى پروفيلاكتيكالىق باقىلاۋ جۇرگىزىلدى. بۇل تۋرالى اقپاراتتىق-كوممۋنيكاتسيالىق ورتالىعىندا وتكەن ءباسپاسوز بريفينگىندە قر ساۋدا جانە ينتەگراتسيا مينيستىرلىگى تەحنيكالىق رەتتەۋ جانە مەترولوگيا كوميتەتىنىڭ شىمكەنت قالاسى بويىنشا دەپارتامەنتىنىڭ باسشىسى باستار ەسقاراەۆ مالىمدەدى.
– جۇرگىزىلگەن جوسپاردان تىس 3 تەكسەرۋ ناتيجەسىندە «ۇلتتىق ساراپتاما جانە سەرتيفيكاتتاۋ ورتالىعى» اق-نىڭ زاڭ بۇزۋشىلىقتار نەگىزىندە ساراپشى اۋديتورلاردىڭ اتتەستاتتارىن التى اي مەرزىمگە توقتاتىپ، اكىمشىلىك ايىپپۇلدار سالۋ جونىندە قاۋلىلار قابىلداندى. سونىمەن قاتار، زاڭ بۇزۋشىلىقتارعا جول بەرگەن ساراپشى-اۋديتورلارعا قاتىستى شارا قابىلداۋ ءۇشىن قر ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتىنە اقپاراتتىق حات جولداندى، – دەدى باستار اۋەلحانۇلى.
سپيكەردىڭ سوزىنشە، بۇگىندە قالالىق سايكەستىكتى راستاۋ سالاسىندا اككرەديتتەلگەن 3 سايكەستىكتى راستاۋ مەكەمەسى («ۇلتتىق ساراپتاۋ جانە سەرتيفيكاتتاۋ ورتالىعى» اق وقف، «تۋران بيزنەس گرۋپپ» جشس جانە «ەل-ستاندارت» جشس) 40 سىناق، 22 سالىستىرىپ تەكسەرۋ، 3 كاليبرلەۋ جانە 2 مەديتسينالىق زەرتحانا جۇمىسىن اتقارۋدا.
ايتا كەتەيىك، ەنگىزىلگەن موراتوريگە قاراماستان اتالعان دەپارتامەنتكە زاڭ تالاپتارىنىڭ ساقتالۋىنا قاتىستى 12 جاعدايدا تەكسەرۋ، پروفيلاكتيكالىق باقىلاۋ جانە قاداعالاۋدى جۇرگىزۋگە رۇقسات ەتىلگەن.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو – ازات ديداربەك
