شىمكەنتتە «WORLDSKILLS SHYMKENT - 2020» قالالىق چەمپيوناتى باستالدى

1870
Adyrna.kz Telegram

شىمكەنتتە «WorldSkills Shymkent-2020» قالالىق چەمپيوناتى باستاۋ الدى. ونلاين وتكەن اشىلۋ سالتاناتىنا قالا اكىمىنىڭ ورىنباسارى شىڭعىس مۇقان، ءبىلىم باسقارماسىنىڭ باسشىسى جانات تاجيەۆا جانە ءبىلىم وردالارىنىڭ ديرەكتورلارى قاتىستى.

شىمكەنت قالاسىنىڭ تەحنيكالىق جانە كاسىپتىك ءبىلىم بەرۋ ۇيىمدارىنداعى جۇمىسشى ماماندىعىنىڭ تانىمدىلىعىن جانە قوعامداعى بەدەلىن ارتتىرۋ ماقساتىندا «WorldSkills Kazahstan-2020» ۇلتتىق چەمپيوناتىنىڭ ايماقتىق كەزەڭى 26-29 قازان ارالىعىندا وتەدى.

«WorldSkills Shymkent-2020» ۇلتتىق چەمپيوناتىنىڭ ايماقتىق كەزەڭىنە 30 قۇزىرەتتىلىك بويىنشا 92 ۇمىتكەر قاتىسادى. اتاپ ايتقاندا، قاتىسۋشىلار ءسان تەحنولوگياسى، گرافيكالىق ديزاين، ۆەب-ديزاين جانە ازىرلەۋ، وندىرىستىك اۆتوماتيكا، بيزنەس ءۇشىن IT شەشىمدەر، ۇيالى روبوتوتەحنيكا، جەلىلىك جانە اكىمشىلىك باسقارۋ، جەڭىل اۆتوموبيلدەردى جوندەۋ جانە قىزمەت كورسەتۋ، جوندەۋ، دانەكەرلەۋ تەحنولوگياسى، ەلەكترومونتاج ءىسى، اقپاراتتىق كابەلدىك جەلىلەر جانە تاعى باسقا سالالار بويىنشا سايىسقا تۇسەدى. چەمپيوناتتا 30 باس ساراپشى جانە 30 تاۋەلسىز ساراپشى تورەلىك ەتەدى.

WorldSkills – جاس مامانداردىڭ كاسىبي بىلىكتىلىگىن ارتتىرۋعا نەگىزدەلگەن حالىقارالىق جوبا. كاسىپتىك –تەحنيكالىق ماماندىقتىڭ دەڭگەيىن كوتەرەتىن بۇل جوباعا ەلىمىز 2015 جىلى تۇڭعىش رەت قاتىستى. جوبا اياسىندا قوعامعا ەڭ قاجەتتى مامان يەلەرىنىڭ بىلىكتىلىگىن ارتتىرۋ كوزدەلگەن.

شىمكەنت قالاسى اكىمىنىڭ ءباسپاسوز قىزمەتى

پىكىرلەر