Shymkentte «WORLDSKILLS SHYMKENT - 2020» qalalyq chempıonaty bastaldy

1865
Adyrna.kz Telegram

Shymkentte «WorldSkills Shymkent-2020» qalalyq chempıonaty bastaý aldy. Onlaın ótken ashylý saltanatyna qala ákiminiń orynbasary Shyńǵys Muqan, bilim basqarmasynyń basshysy Janat Tájıeva jáne bilim ordalarynyń dırektorlary qatysty.

Shymkent qalasynyń tehnıkalyq jáne kásiptik bilim berý uıymdaryndaǵy jumysshy mamandyǵynyń tanymdylyǵyn jáne qoǵamdaǵy bedelin arttyrý maqsatynda «WorldSkills Kazahstan-2020» ulttyq chempıonatynyń aımaqtyq kezeńi 26-29 qazan aralyǵynda ótedi.

«WorldSkills Shymkent-2020» ulttyq chempıonatynyń aımaqtyq kezeńine 30 quzyrettilik boıynsha 92 úmitker qatysady. Atap aıtqanda, qatysýshylar sán tehnologııasy, grafıkalyq dızaın, veb-dızaın jáne ázirleý, óndiristik avtomatıka, bıznes úshin IT sheshimder, uıaly robototehnıka, jelilik jáne ákimshilik basqarý, jeńil avtomobılderdi jóndeý jáne qyzmet kórsetý, jóndeý, dánekerleý tehnologııasy, elektromontaj isi, aqparattyq kabeldik jeliler jáne taǵy basqa salalar boıynsha saıysqa túsedi. Chempıonatta 30 bas sarapshy jáne 30 táýelsiz sarapshy tórelik etedi.

WorldSkills – jas mamandardyń kásibı biliktiligin arttyrýǵa negizdelgen halyqaralyq joba. Kásiptik –tehnıkalyq mamandyqtyń deńgeıin kóteretin bul jobaǵa elimiz 2015 jyly tuńǵysh ret qatysty. Joba aıasynda qoǵamǵa eń qajetti maman ıeleriniń biliktiligin arttyrý kózdelgen.

Shymkent qalasy ákiminiń baspasóz qyzmeti

Pikirler