شىمكەنت: ىنتىماقتاستىق مەموراندۋمىنا قول قويىلدى

2243
Adyrna.kz Telegram

شىمكەنت قالاسىنىڭ اكىمدىگى مەن وزبەكستان رەسپۋبليكاسى بۇحارا قالاسىنىڭ اكىمدىگى اراسىندا تۋريزم سالاسىن دامىتۋ ماقساتىندا ەكى جاقتى ىنتىماقتاستىق تۋرالى مەموراندۋمعا قول قويىلدى.

شىمكەنت قالاسى اكىمىنىڭ ورىنباسارى ماقسۇت يساحوۆ بۇقارا قالاسى اكىمىنىڭ ورىنباسارى كامال داۆرونوۆپەن بەينە-بايلانىس ارقىلى تىلدەسىپ، كەلىسىمگە قول قويدى.

اتالعان مەموراندۋم ەكى جاقتى دوستىق قارىم-قاتىناستى نىعايتىپ، الداعى ۋاقىتتا ءتۋريزمدى دامىتۋدا بىرلەسە جۇيەلى شارالار قابىلداۋعا سەپتىگىن تيگىزەتىن بولادى. مەموراندۋم شەڭبەرىندە پاندەميادان كەيىنگى كەزەڭدە ورتاق تۋريستىك ونىمدەر ازىرلەپ، ولاردى ىشكى جانە حالىقارالىق تۋريستىك نارىققا تانىتۋ، جارنامالىق-ماركەتينگتىك كومپانيالار جۇرگىزۋ جانە ەكى ءوڭىردىڭ تۋريستىك يندۋسترياسىن دامىتۋدا تاجىريبە الماسۋ جوسپارلانۋدا.

سونىمەن قاتار، مەموراندۋمدى جۇزەگە اسىرۋ ماقساتىندا ارنايى ءىس-شارالار جوسپارى بەكىتىلدى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر