Shymkent qalasynyń ákimdigi men Ózbekstan Respýblıkasy Buhara qalasynyń ákimdigi arasynda týrızm salasyn damytý maqsatynda eki jaqty yntymaqtastyq týraly memorandýmǵa qol qoıyldy.
Shymkent qalasy ákiminiń orynbasary Maqsut Isahov Buqara qalasy ákiminiń orynbasary Kamal Davronovpen beıne-baılanys arqyly tildesip, kelisimge qol qoıdy.
Atalǵan memorandým eki jaqty dostyq qarym-qatynasty nyǵaıtyp, aldaǵy ýaqytta týrızmdi damytýda birlese júıeli sharalar qabyldaýǵa septigin tıgizetin bolady. Memorandým sheńberinde pandemııadan keıingi kezeńde ortaq týrıstik ónimder ázirlep, olardy ishki jáne halyqaralyq týrıstik naryqqa tanytý, jarnamalyq-marketıngtik kompanııalar júrgizý jáne eki óńirdiń týrıstik ındýstrııasyn damytýda tájirıbe almasý josparlanýda.
Sonymen qatar, memorandýmdy júzege asyrý maqsatynda arnaıy is-sharalar jospary bekitildi.
Shymkent qalasy ákiminiń baspasóz qyzmeti
