قر 2020 جىلدىڭ مامىر ايىنداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا بايلانىستى قالاداعى ءۇش جاقتى كوميسسيا قۇرامى قايتا جاساقتالىپ، ءتيىمدى جۇمىستار اتقارىلۋدا. بۇل تۋرالى اقپاراتتىق-كوممۋنيكاتسيالىق ورتالىعىندا وتكەن ءباسپاسوز بريفينگىندە شىمكەنت قالالىق مەملەكەتتىك ەڭبەك ينسپەكتسياسى باسقارماسىنىڭ باسشىسى باۋىرجان قالجانوۆ مالىمدەدى.
– وسى جىلدىڭ 9 ايىندا جالاقى قارىزى، وندىرىستەگى جاعدايلار بويىنشا ازاماتتاردان 819 ارىز-شاعىم ءتۇسىپ، 140 تەكسەرۋ جۇمىستارى جۇرگىزىلدى. ناتيجەسىندە 164 زاڭ بۇزۋشىلىق انىقتالىپ، ونىڭ 143-ءى زاڭعا سايكەستەندىرىلدى. بۇزۋشىلىقتاردىڭ نەگىزىندە 73 نۇسقاما بەرىلىپ، ەڭبەك زاڭناماسىنىڭ بۇزىلۋى بويىنشا 3,024 ملن تەڭگە كولەمىندە 27 اكىمشىلىك ايىپپۇل سالىندى، – دەدى ب.قالجانوۆ.
باۋىرجان احمەتالىۇلىنىڭ ايتۋىنشا، 2020 جىلى وندىرىستىك ورىندارداعى جازاتايىم وقيعالار وتكەن جىلدارمەن سالىستىرعاندا ەداۋىر ازايعان. بۇل الەۋمەتتىك ارىپتەستىك جانە ەڭبەك قاتىناستارىن رەتتەۋ بويىنشا ءۇش جاقتى كوميسسيا وتىرىسىنا كاسىپورىن وكىلدەرىن شاقىرىپ، جازاتايىم وقيعالارعا جول بەرمەۋ جانە ونىڭ الدىن الۋ شارالارىن قاراستىرۋ ناتيجەسىندە جۇزەگە اسىپ وتىر.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو – سەرىك قوساي
