QR 2020 jyldyń mamyr aıyndaǵy «Qazaqstan Respýblıkasynyń keıbir zańnamalyq aktilerine eńbek máseleleri boıynsha ózgerister men tolyqtyrýlar engizý týraly» Zańyna baılanysty qaladaǵy úsh jaqty komıssııa quramy qaıta jasaqtalyp, tıimdi jumystar atqarylýda. Bul týraly aqparattyq-kommýnıkaııalyq ortalyǵynda ótken baspasóz brıfınginde Shymkent qalalyq Memlekettik eńbek ınspekııasy basqarmasynyń basshysy Baýyrjan Qaljanov málimdedi.
– Osy jyldyń 9 aıynda jalaqy qaryzy, óndiristegi jaǵdaılar boıynsha azamattardan 819 aryz-shaǵym túsip, 140 tekserý jumystary júrgizildi. Nátıjesinde 164 zań buzýshylyq anyqtalyp, onyń 143-i zańǵa sáıkestendirildi. Buzýshylyqtardyń negizinde 73 nusqama berilip, eńbek zańnamasynyń buzylýy boıynsha 3,024 mln teńge kóleminde 27 ákimshilik aıyppul salyndy, – dedi B.Qaljanov.
Baýyrjan Ahmetáliulynyń aıtýynsha, 2020 jyly óndiristik oryndardaǵy jazataıym oqıǵalar ótken jyldarmen salystyrǵanda edáýir azaıǵan. Bul áleýmettik áriptestik jáne eńbek qatynastaryn retteý boıynsha úsh jaqty komıssııa otyrysyna kásiporyn ókilderin shaqyryp, jazataıym oqıǵalarǵa jol bermeý jáne onyń aldyn alý sharalaryn qarastyrý nátıjesinde júzege asyp otyr.
Shymkent qalasynyń Aqparattyq-kommýnıkaııalyq ortalyǵy
Foto – Serik Qosaı
