شىمكەنت قالاسىنداعى قۇرساي شاعىن اۋدانىندا جاڭا ءبىلىم وشاعىنىڭ قۇرىلىسى جۇرۋدە. مەكتەپ 0,60 گەكتار اۋماقتى الىپ جاتىر. 600 ورىنعا لايىقتالعان ءبىلىم ورداسىن جەكە كاسىپكەر ءوز ەسەبىنەن جۇرگىزۋدە. ۇلى ويشىل ءال-ءفارابيدىڭ 1150 جىلدىعىنا وراي مەكتەپكە عۇلامانىڭ ەسىمى بەرىلمەك.
شىمكەنت قالاسىنىڭ اكىمى اتالعان جاڭا مەكتەپتىڭ قۇرىلىس بارىسىمەن تانىستى. «بالالاردىڭ قاۋىپسىز ورتادا ءبىلىم الۋى – باستى مىندەتىمىز. باسەكەلەستىككە توتەپ بەرەر ۇرپاقتى وسىرگىمىز كەلسە ولاردىڭ ساپالى ءبىلىم الۋىنا قولايلى جاعداي جاسالۋ كەرەك»- دەدى مۇرات دۇيسەنبەكۇلى.
مەكتەپ كەلەسى جىلى پايدالانۋعا بەرىلەدى. قالا اكىمى سىنىپتاردى ارالاپ، قۇرىلىستىڭ ءارىبىر بولىگىنە ءجىتى ءمان بەردى. سونىمەن قاتار، وقۋ بولمەلەرىنىڭ زاماناۋي تەحنيكالارمەن قامتىلۋىنا دا باسا نازار اۋدارۋ كەرەكتىگىن ايتتى.
شىمكەنت قالاسى اكىمىنىڭ ءباسپاسوز قىزمەتى
