Shymkent qalasyndaǵy Qursaı shaǵyn aýdanynda jańa bilim oshaǵynyń qurylysy júrýde. Mektep 0,60 gektar aýmaqty alyp jatyr. 600 orynǵa laıyqtalǵan bilim ordasyn jeke kásipker óz esebinen júrgizýde. Uly oıshyl Ál-Farabıdiń 1150 jyldyǵyna oraı mektepke ǵulamanyń esimi berilmek.
Shymkent qalasynyń ákimi atalǵan jańa mekteptiń qurylys barysymen tanysty. «Balalardyń qaýipsiz ortada bilim alýy – basty mindetimiz. Básekelestikke tótep berer urpaqty ósirgimiz kelse olardyń sapaly bilim alýyna qolaıly jaǵdaı jasalý kerek»- dedi Murat Dúısenbekuly.
Mektep kelesi jyly paıdalanýǵa beriledi. Qala ákimi synyptardy aralap, qurylystyń áribir bóligine jiti mán berdi. Sonymen qatar, oqý bólmeleriniń zamanaýı tehnıkalarmen qamtylýyna da basa nazar aýdarý kerektigin aıtty.
Shymkent qalasy ákiminiń baspasóz qyzmeti
