قالا اكىمى مۇرات ايتەنوۆ اباي اۋدانىن ارالاۋ بارىسىندا ايكول تۇرعىن الابىنا باردى.
بيىل اتالعان تۇرعىن الاپتىڭ حالقى كوپتەن كۇتكەن ساپالى اۋىز سۋعا قول جەتكىزدى. جۇمىستار «سودبي-ستروي» جشس-ءى مەكەمەسىمەن جۇزەگە اسىرىلعان. شاھار باسشىسى ورناتىلعان سۋ جيناعىش جانە سۋ ايداعىش قوندىرعىلاردى تەكسەردى.
سونىمەن قاتار، اۋماققا ەلەكتر ەنەرگياسىن جۇرگىزۋ ماقساتىندا سمەتالىق قۇجاتتار دايىندالۋ ۇستىندە. ال، تابيعي گاز جۇيەسى الداعى جىلى شەشىلەتىن بولدى.
300-دەن اسا تۇرعىنى بار تۇرعىن الاپتىڭ ەندىگى ماسەلەسى ينتەرنەت جەلىسى بولىپ تۇر. ايكول تۇرعىن الابىن ينتەرنەت جەلىسىمەن قامتاماسىز ەتۋ ماقساتىندا «موبايل تەلەكوم سەرۆيس» جشس-ءى جانە «Kcell»اق ارقىلى بايلانىس ورناتۋ جۇمىستارى قاراستىرىلىپ، كەلىسسوزدەر جۇرگىزىلىپ جاتىر ەكەن.
قالا اكىمى قاشىقتىقتان ءبىلىم الۋ بارىسىندا ينتەرنەت ماسەلەسىنىڭ تەزدەتىپ شەشىلۋى قاجەت ەكەنىن ايتىپ، ءتيىستى سالا باسشىلارىنا تاپسىرمالار جۇكتەدى.
شىمكەنت قالاسى اكىمىنىڭ ءباسپاسوز قىزمەتى
