Qala ákimi Murat Áıtenov Abaı aýdanyn aralaý barysynda Aıkól turǵyn alabyna bardy.
Bıyl atalǵan turǵyn alaptyń halqy kópten kútken sapaly aýyz sýǵa qol jetkizdi. Jumystar «Sodbı-stroı» JShS-i mekemesimen júzege asyrylǵan. Shahar basshysy ornatylǵan sý jınaǵysh jáne sý aıdaǵysh qondyrǵylardy tekserdi.
Sonymen qatar, aýmaqqa elektr energııasyn júrgizý maqsatynda smetalyq qujattar daıyndalý ústinde. Al, tabıǵı gaz júıesi aldaǵy jyly sheshiletin boldy.
300-den asa turǵyny bar turǵyn alaptyń endigi máselesi ınternet jelisi bolyp tur. Aıkól turǵyn alabyn ınternet jelisimen qamtamasyz etý maqsatynda «Mobaıl telekom servıs» JShS-i jáne «Kcell»AQ arqyly baılanys ornatý jumystary qarastyrylyp, kelissózder júrgizilip jatyr eken.
Qala ákimi qashyqtyqtan bilim alý barysynda ınternet máselesiniń tezdetip sheshilýi qajet ekenin aıtyp, tıisti sala basshylaryna tapsyrmalar júktedi.
Shymkent qalasy ákiminiń baspasóz qyzmeti
